Pope Leo XIV in helicopter cangsualnak ruangih riahsiat tuartu Ghana hnen hnemnak ca kuat. (August7, 2025)
Pope Leo XIV in Ghana, nitlaknak African ah August 6, tlawngkai nithum ni ih ralkap helicopter cangsualnakih a cozah minister pawl nunnak cemnak ruangah a riahsiatnak a rak langter.
Ghaba Catholic Bishops’ Conference ih President le Suyanni Diocese ih Bishop khal a si mi Bishoop Matthew K.Gyamfi hmin in Cardinal Secretary of State Pietro Parolin address in telegram ah hnemnak ca a rak kuat.
Helicopter in vanzamleng parih hnatuantu pathum le phurh mi panga a nei ih alaifannak Ashanti hmun thingkung tampi umnak hmun ah a rak tlak. Cumi ah Minister of Defence, Edward Omane Boamah, Minister of Environment Ibrahim Murtala Muhammed le vanzamsung hnatuan tu pawl an tel. Anmah cu daan thawn a kaihaw lo mi pawl zohfel dingah Obuasi khuapi lamah an tlawng laiah hi tin an cannak a si tiah an sim. Dam in a nung lai mi zo hman an um lo.
Ghaba ih President John Dramani Mahama ih rampi riahsiatnak nithumsung tuah dingah a rak than. Hi mi thuthang cu Vatican thuthang in a tawizawngin kan leh mi a si.
