A sim tu – Rev. Fr. Pius Kei Lian Cung
1.. Sersiamtu Pathian a lung a kuai
Suah 32: 19 “Moses cu an riahnak hmun a hei naih deuh vivoih, cawzuk le misenpi an lam ciamco kha a hmuh tikah a thin a heng ngaingai. Cutikah a kenmi lungphen pawl cu a hlon ih tlanhram ah a den kuai thluh. Pathian ih thinlung a kuai. A mai duh dan in a be lo. Minung in mai duhdandan in a bia. Biakinn sung, thuthangtha simnak, pulpit parin ramkhel hruaitu upa tla caan reipi kan pek.
Suah 34: Veihnih nak thukham lungpheng. A thupit tuk ruanah veihnih nak a la sal. Pathian thukham 10 hnak ih then 10 then 1 thupi sawn ih ruat, zirh krihfa cu Pathian lungkuai ter tu men kan si ko lo maw. Hruai tu Moses ziang siar lo in Aaron thupi ah an re sawn. An neih mi suingun in Pathian a phen. Pasisa tamnak le laakkha tamnak kohran le biak nak hril deuh, zoh deuh rero mi Pathian hnatuan le zumtu.
2.. Jesuh a tap
Lk 19: 41 Jerusalem khawpi a hei naih vivo ih a hmuh ngah tikah Jesuh cu a tap. Tuisunah hin daihnak hrangah ziangso atul ti thei ci la maw! Jerusalem ti mi cu remdaihnak khawpi ti nak a si. Asinan Jesuh in remdaihnak a hawl ih a hmu lo. Jesuh in a ti bet “Profet pawl tla an that, Pathian ih palai pawl tla lngto in an deng a si” a ti. Cuvek ih pakhat le pakhat deng that awknak thi hnai suah awk nak nun nak laksak awk rero kha Jesuh khrih tap nak a rak si. Remdaihnak khuapi ah remdaihnak a um nawn lo.
Tuihlan ah kan lairam, kan lairam hi khristian ram kan ra ti theu ih a hmang za ko. Sihman sehla nuam teten san ti luan in mi a ciah neh ih Pathian hnatuan ciocio do awk tla kan hman. Kan tong le ca khal in dong kalh nak a tam vevo. Nung lai rori tla a pian thar lo ruangha hell ah a tla ding” tiin thlarau thu then tu ah kan re aw. Daih remnak a um lo nak khrihfa ram Jerusalem laitlang hrang Jesuh a tap. Mt 23: 37 “Arpi in a fa le pawl a thla hnuaiih a uap vekin na minung pawl cu ka kut in ka hum tum rero nan na duh lo.”
Pawlpi, kawhhran, biaknak le zumnak ih kop aw thei lo komh aw thei lo laimi, khrihfa kan ti aw ringring nan khrihfa nun a lang lo vivo thlang. Pathian fa ciocio thah awk le siatsuah awk kan poi ti nawn lo. Jesuh vei ziat ha kan tap ter bet rero ding.
3.. Jesuh ih thlan cu tifor bangin leilun g ah a tla
Lk 22:44 “A thinlung abang zet ih taimak sinsin in thla a cam. A suak mi a thlan cu tifor bang in leilung ah a tla. Jn 17:11 A thiang mi ka pa, nangmah le keimah cu pumkhat kan si vekn leilungih a um hrih mi ppppppppumkhat an si theinak dingah I pek mi nah min ih huham in humhim hai aw. Jn 17:22 “Nangmah le keimah cu pakhat kan si vekin an nih khal pakhat ih an can theinak dingah nangmah ih I pek mi sunlawinak kha an mah khal ka pek ve a si.”
A thlan thisen bangtuk ih for rero tiang Jesuh I thla in cam sak rero hi pumkhat kan can theinak ding hrang a si. Jesuh niha thlan, thisen luangtiangih thla in cam she rero laiah, Pawlkom, khrihfa kawhhran le Pawl tampi ah kan thek aw darh sinsin. Kawhhran thenthek rero hi pathian remruat a si ti tlan kan zirh bet. A si thei lo. Lai mi akan ruah nak, pomdan thleng a cu. Pawl pi a thipi lo ti phah cing in pawl thawn kan phuan, kan din, kan phuah bet zawk rero.
Jesuh ih thlacam a dodal tu, a pah bal tu miphun kan si. Jesuh ih thlan le thisen kan luan ter bet rero lai ding maw si. Ram khel, phun hnam le tong, le ramri ah kan then thik aw sinsin thlang. Kan do aw sinsin. Biaknak lam khal ah zin lai fangih um cing in zin hlo kan tam vivo ih, leitlun uk awk nak le do thlen gnak khal ah kan hmui tin mi bat nawn lo in a peng vivo. Kan lungrual thei lo hi khat le khat parih kan mawh, kan palh lawn a si li, Jesuh ih thlacam pahbal rero tu kan cang thlang. Seem 37:18 “Joseph cu a u le pawl in an zuar, a mah that dingin thu an phiar.”
