Pope Leo XIV in thlang Korea ih 2027 ih tuah ding mi Leitlun huap mino puai ni hrang ni khiahnak nei. (August 3, 2025)
Pope Leo XIV in thlang Korea ram ih tuah ding mi leitlun huap mino puai pi cu Aug 3-8, 2027 ni ah tuah dingah kan dung zarhpi ni Jubilee of Youth ah a rak than.
Hi mi Jubilee theh ah mino pawl ih “ruahsannak thawn khawmzawh tu pawl” ti mi in Asia lam ah in hruai peh ding tiah ram 146 in a ra tu mino one million ( taan khat) hnen Rome ih nisuahnak lam peng 10 hlatnak ih University of Rome Tor Vergata ah Angelus thlacam thawh hlan ah Pope in a rak sim.
2023 ih Portugal ih tuah mi World Youth Day (Leitlun huap mino Puai) thu thawn pehpar in a sim bet mi cu Kan dung kum 2 rei lai ih tuah mi Pope Francis ih a rak kauh ter mi kha thar thawh ih sawnnak a rak nei.
Leitlun huap mino pawl puai ih a thar ih a sim mi cu santhar nonawn pawl ih zumnak hrangih khual tlawnnak cu a thupi ih hminsin tlak a si ding tiah a sim. Hi mi mino puai ih thuluu cu “ral thatnak la in leilungpi ka neh zo” ti kha si.
Pope in Agelus thlacam theh ih a sim mi cu thazaang a cak tuk mi missionary nan si tiah a rak sawm ih nang ruahsannak a neitu mino pawl hi mi cu leitlun cemtiang tetti khantu nan si dingih Soel khuapi ah kan tongaw sal ding, ruahsan tlang dingah le sunmang man tlang uh si tiah a rak sawm.
2027 World Youth Day cu Asia ah a veihnihnak a si ih 1995 ah Philippines ah a hmaisabik tuah a si ih thlang Korea in a veihnihnakin a thlun ding.
Pope in mino pawl Jubilee in July 28 – Aug 3, 2027 ih tuah mi in Leitlun huap mino puai a bawm ih Leitlun huap le Pawlpi hrangah thlasuah donnak pakhat a si thu a rak sim. Pope in thatho zet le tetti khannak thawn Jubilee ih a ra tu mino minung taan khat (one million) hnen a lungawi thu a rak sim.
Pope in mirang ttong in ralbualnak raungih hmailam hrangah zianghman ruahsannak um lotu pawl le donak tuarnak ruangih hminsin tlak mi pawl, Ukraine le Gaza ih mino pawl le ralbuainak ruangih thisen luangin harsatnak tuartu mino pawl, tleirawl pawl mangsal in a sim. Pope in hi mino pawl Jubilee ah Sapainish, Italian le mirang ttong hmang in thu a sim. Hi mi thuthang cu Catholic news agency ta a tawi zawngih kan ngan mi a si.
