Zarhtin tlawngkai nithum ni mipi thawnkhawm awknak le sun caan Angelus thlacamnak ah Pope Leo XIV cun rem cangmi tawng pawl hmang ding le kan tong mi pawl cu midang hrangah ti na tu siloin ti dam tu sawn si dingah forh fial nak a nei.

St. Peter tualrawn ih a rak thleng tu pawl hnenah Bawi Khrih thuthangtha a sim laiah amah thawn tawngawk mipawl, thuthimnak le tidamnak pawl cu sirhsan in nitin kannun khuasak nakah tidamtu sidingah a tul. A tu leilungpi cu minung sinak, nautat zuamtaihnak thawn a khat lai caan a si tin kanruat dingih kan mah leitlun minung pawl ziangsirlonak ruangah kan phur theilomi ih nennak ruangah kan dam lo asi.

A mawilo zetmi sinak pawl in in tuamnak cu kan tuar hnasa a si. Social Media ih tarlangmi thuthang tamzet in intuam ruangah kanmah cu hnaihnoknak, thabangnak ihsin tihnak thinlung in neiter a si timi kan thei a tul.

Thu a phunphun ih tuamnak ruangah kan thinlung a buai ih cawlmen duhnak a cang a si. Zianghman duh nawn lo nak thilung le kan thei mi hmuahhmuah umzia neilo ah kan ruat a si.

Mithianghlim Marku nganmi Gospel thuthangtha sungah, hnaset le tawng theilo mi pakhat cu Bawi Zesu nih a damter thuhla a sim tikah hi tawngtheilo hnaset cu tidamnak ngah dingin a mahten hawl mi a si lo tidamnak a co ve dingin midang pawlin amah cu Bawi Khrih hnenah an rak hruai a si. Hi thu in Pawlpi a um thu in theiter sal ih Pawlpi cu aw suak theilo ih aw, harsat tuartu pawl ih aw ngaitu na, harsat tuartu pawl bawmnak hmun a si.

Bawi Khrih thawn tawngawk ih tidamnak ngahtu cu tawng theilo ihsin tawng theitu a rak cangih thudik thuhman a langternak a si. Simtheinak neilo, aw suah theinak neilo ihsin sim theinak nei nunah a rak thleng. Kan nun khalah theithiam awk lo nak a um caan ah biakawknak cu cawlin tu leh tu a cang theu.

A hmanmi pehtlaih biakawknak cu a thahnem lawng siloin midang bawm ih ti damnak le kanmah kan tawngkam pawl cu midang pawl na tertu si lo ding tla a tul a si. Dikzet ih biakawk pawlkawmnak ih a thawk a si. Hi kan tuahnak in Bawi Khrih hnenah in hruai thlengtu a si ding.

Kanmah pawlkawmawknak cu damter hram aw. Kan Pawlkawmnak a that ruangah pawpi cu rundamnak thuthangtha rak kengtu, midang tidamtu, thei theilo pawlih na, mi zaten Bawi Khrih ih sim mi pawl thei theinak hmun si dingin Pa Pathian hnenah thla kan cam cio pe tin netabikah a forhfial a si.

Hi thuthang cu Vatican thuthang in kan don mi a si.