Rome khuapi ah sualsir duhtu pawl sualthlahnak nak ding hmun 200 tuah.
Rome ah Jubilee hmang dingin a thlengtu mino thawngtam pi cu Zarhpi sun Tor Vergata esplanade ah le zarhte ni Pope Leo XIV thawn tonkhawmnak an neih hlan August 1 Tlawngkai ninga ni cu sualthlahnak thawn sunvu hman a si dingih zinglam 10:30 am in 6:00 pm ah sualthlahnak hmun 200 tuah a si dingih sualthahnak ngaitu ding Puithiam pawl khal in sualthlah ngai dingah an man cia zo a si.
Khawmzawhtu pawl Italian, Spanish, English, French, Portuguese le Polish in an mai ttong ih zirin an mai sual thlahnak hmun an hawl dingih sunvu mai man daan ih zir in thlah a si ding. German, Hungarian, Slovak, Korean le Chinese pawl cu caankiah mi tikcu caan lawngah sualthlahnak ngai sak an si ding.
Youcat ti kawh mi sualthlahnak cauk 10000 cu Youcat Foundation ih volunteer minung 20 in an zuar ding a si. Hi mi cu Jubilee of Youth hrangih a hleiceih suah mi a si ih ttong phunli in suah a si. cumi pawl cu Italian, English, French le German in a si.
2014 kum ah a hmaisabik suah mi a siih Pathian thawn rualrem salnak ti mi thu hmaihruai in mino pawl hrangih duhsak ih suah mi a si. tui neta an suah mi ah pawlnak parhih Check felawknak le Sualthlahnak ih duhsan pawl a tel ih a dang thlacamnak pawl khal a tel a si.
