seh”
Pope in Catholic phunsangtlawng pawl hnen ah “Khrih ih fimnak cu nan kiangkap ah um
seh”
Leitlunhuap Catholic phunsangtlawng pawlkom hnen ih thucah a simnak ah Pope XIV cun
Catholic phunsang tlanwng pawl cu fimnak dik tak hrampi a si mi khrih ah nghet zetin um
dingin a sim asi.
Guadalajara, Mexico ih tuah mi leitlunhuap catholic phunsangtlawng pawl a vei 28
tawnkhawm awknak ( the 28 th General Assembly of the International Federation of Catholic
, Universities (IFCU) thucah a simnakah Pope Leo XIV cun tulai leitlun ih catholic
phusangtlawng pawl feh daan a ruat ter sal ih fimnak le thu dik hrampi bik hrang Khrih cu a
hrampi bik si ter ringring dingin a fial a si.
IFCU tawnkhawm awknak cu kum zatek pakhatnak a si ih, thupi ah cun “Catholic
phunsangtlawng pawl: theih kaunak ih thiamhleice” tih thupi hmangin a sim asi. Thupi a sim
ah Pope cun a hmel lang dan mawi zet a si a ti ih cumi in “remnak, pumkhatsinak, chaknak
le hlimnak” a thleng a si a ti.
Asinan, Pope Leo cun tulai nundan cu “ralrinnak aw” in a khat ih an thuruatnak cu an thil
thar, an larnak, a si lo le fiangzet ih mi hmai lang cu an duh zet a si. Cu mi thawn bangawklo
in Catholic phunsangtlawng pawl cu “ Pathiam lam hawinak thinlung” nei dingin kawh mi
kan si ih mithianghlim Bonaventure ih thuruatnak cu a sim a si.
Kawhhran Pa a si mi St. Augustine le St. Pawl te telnak, Pope cun Pathian thutak lam theinak
nghet zet ih ret in minung thlarau tleu ter ding in Catholic fimzirnak hmun pawl kan tul
ringring tin a sim a si.
“Thlarau cu a mah lawng a um le tleunak le caknak a nei lo” tin st. Augustin in a sim.
“Thudik danglam thei lo hnenah hawi cu, a tleu a si. Cuih ruangah Pope cun
phunsangtlawng boruak, biakawknak le fimnak tampi hmangin kawhhran mission ah cu a
danglam tih a nemnghet a si. Khristian hmaisa pawl cun leitlun thlirnak phunphun thawn
pehzawm awk a thupi zia an thei a si. Mithianghlim Paul in Rom Khristian pawl cu an
nunphung hlun pawl zirfiang dingin a fial daan a sim sal ih Khrih tel lo le a netnakah minung
fimnak cun thihnak a thleng a si tin a sim.
Mithianghlim Thomas Aquinas ih thu ruat sal in, pope cun Khrih cu fimnak vekin rinnak
hrampi bik le minung thuruatnak hmuahhmuah hmu thei tu a si thu a sim a si. A neta bikah
Pope cun tawnkhawm awknak tel pawl hmuahhmuah hnenah dungthluntu thlasuah a pek a
si.
Hi thuthang cu Vatican thuthang ih kan ngah mi asi.
