Biakinn sungih Bawipa thi le sa biaknak nei rero laitu kawhhran mipi pawl meithal thawn kap that.
Biakinn sungih Bawipa thi le sa biaknaka a nei rero laitu kahthat a tuartu martyr pawl ih thisen cu remdaihnak, khat le khat rualremnak, unau duhdawtnak thinlung le khuami pawl duhdawtnak thinlung pawl karh zai dingah thlaici si hram seh tin Pope Leo XIV nih Congo ram um Komanda Catholic Biakinn ih kah that tuartu pawl thawn pehpar in riahsia zet in thla a cam sak.
Kan dung zarhpi ni Congo ram nisuahnak lamah Ituri khua ah Bawipa thi le sa biaknak, thlacamnak a nei rero laitu Catholic kawhhran minung (40) hrawng kahthat an tuar. A malbik ah minung 38, nunau le nauhak pawl biakinn sungah an thi. A dang mi panga pawl cu a kiangkap khua ah an that.
Buainak cang mi parah Pope aiawh Vatican secretary Cardinal Pietro Parolin in Congo Catholic Bishop pawlkom ih hotu bik Bishop Mugala hnenah telegram ah ca a kuat ih Pope Leo XIV nih Cango ah nunnak liam tam tertu biakinn sung thlacamnak nei rero lai meithal thawn kap thu ka thei ih ka lau, ka thinlung a na zet thu, a tu buainak cu thudik thuhman hrang nunnak liam tu pawl, cuih hmun ih um khuami pawl himnak um lo zia cu a thupi zet in himnak tuah sak ding a tul zia a langter, Pope in buainak hmun Anuarite Diocese ih um Kawhhran pi pawl, riahsiat tuartu innsang pawl, kawhhran pi pawl, himi thu ruangih thinhar tu pawl hmuahhmuah le Congo ram mipi pawl zaten amah ih thlasuah a pek ih a hnem thu a rak ngan.
Congoram ih thuneitu pawl simnakah Komanda khuapi um Anuarite Diocese ih thil cang mi pawl cu buainak hmun pakhat khal a si ih Democratic cozah ralkap le Islamic ram din tumtu pawl ih thapeknak ngahmi tapung pawl kar lak buainak asi. Himi buainak ah Cango nisuahnak lam le Uganda ramri ih khuami pawl an hmui tin a si. ADF cu 1990 ih sin um zo mi an si. Kum rei zet thuneihnak pumhlum la tu an hnong hnuah do thlengnak tuahtu pawlkom cu Ugan cozah thar a si mi uktu Yoyeri Museveni cu musalim duhlotu tin an hmu ih, cu mi caan ihsin thok dothlengnak tuahtu pawl, nuam te ten thazang an nei asi. Asinan Uganda ah um thei lo dingin ramri lenglam ah an dawi suak asi. A tu ah cun Uganda ramri le Cango ramri ah lamzin pehtlaih awknak har zet ih um khua mi pawl hmui tin in an that tithu an phuang asi.
Hi thuthang cu Vatican thuthang in kan ngah mi asi.
catholic-church-drc-komanda.html
