July 26 Nu le Pa Puai Ni
Leitlun thuanthu kha kumkhua in a thleng tertu ding nauhak nu pakhat hringtu
Mithianghlim Joachim le Anne Puai.
July 26 ni cu Nu Maria ih Nu le Pa, Bawi Jesuh ih a pi le
pu a si mi Mithianghlim Joachim le Anne ih Puai ni asi.
(1) Hi ni cu Pi le Pu pawl ih lamhmuh tu Maria ih nu le pa
Mithianghlim Joachim le Anna kha kan upat, kan sunloih ni
asi.
(2) Taktak ahcun Mithianghlim Joachim le Anna te cu hi
leitlun ah “Rundam tu Jesuh ih Pi le Pu khal an si”.
(3) Curuangah July 26 cu Virgin Mary ih Nu le Pa a si mi
Joachim le Anne te ih puai, Nu le Pa puai ni (Parent’s Day) tin
kan tuah nak asi.
(4) A ngaingai ah cun Pi le Pu pawl cu a taktak ahcun kilkhawi tu an
si.
(5) An duhdawt mi pawl ih thathnem nak ding hrangah an mah
sawn kha nat nak tuar ding ih man cia ringring ih an fale, an
tule pawl kha an mai thlacam saknak thazang, ruahnak pawl
thawn kilhim dingah an um ringring asi.
(6)A hleice in nauhak pawl kha an ti thei tawk in Pi le Pu pawl
thawn caan pek an tul.
(7) Kilhim lawng si lo in hmuhton nak le theihkauh nak
hrang khal ah an mai thuanthu pawl thawn an hnen thleng
dingih kuat thei tu ruah nak pawl tampi a um ruangah Pi le pu
pawl thawn caan pek an tul.
(8) Anmah pawlcu kan mai hmai lam an si ih an mai zohthim tlak mi le an duhdawtnak cu kanhrangah ruahsannak pawl in tuahsak tu pawl an si.
(9) Mithianghlim Joachim le Anne cu an innsang din nak a
rei zo nan fate an neih thei lo ruangah Jews miphun pawl ih
hmuhsuam nak, nautat nak an tong.
(10) Asan cu an dan vek asile fate nei thei lotu cu Pathian
ih camsiat nak an tong tin an pom ruang ah asi.
(11) Curuangah an nih cu mitthli thawn fate nei thei dingin
Pathian hnen ah bawm nak an dil.
(12) Fate an neih si le cui an fate cu Pathian hrangah kan ap
ding tin thukam nak an rak nei.
(13) Cui caan ah Vancung mi Gabriel cu an hnen ah a ra ih
Fanu an neih ding thu, cui an fanu cu a hmin ah Maria tin
hmin an pek ding tin thu a rak than.
(14) Cutin Vancung mi ih thu a than cia vekin leitlunpi
thuanthu kha kumkhua ih thleng tu ding nauhak nu te a suah
tikah Mithianghlim Joachim le Anne cu Hebrew ttong in
“Pathian duh tu tin Mary tin mi hmin an pek.
(15) Jesuh Khrih ih Nu a si tu ding Mithianghlim Mary ih nu
Anne ih pum sungih a sem lai ihsin sual nak thawn an hla aw
ih hi tidan thawn hrin asi.
(16) Netabik ahcun an fanu te Mary cu Jesuh Khrih hring tu
ding ih hril nak a ngah thu Lk thuthangtha sung ah kan hmu
thei asi.
(17) Bawinu Maria cu a nu Anne pumsung ih a um lai ihsin
Pathian ih dingfel nak thluasuah, fimthiam nak pawl kha
Pathian hnen ihsin a ngah ih cui thluasuah pawl cu thianfai
nakah an thleng asi.
(18) Maria cu Mithianghlim zate lakah a thianghlim bik mi
asi/ A sunglawi bik mi asi.
Mithianghlim Joachim le Anne……Kan mai hrangah thla in
cam sak aw.Amen
Nu le Pa upat aw
Nu le pa Upat aw (Suah 20:12)
(1) Fale pawl nan Nu le nan Pa upat uh. “Hi thukham cu tukam
nak thawn pehpar mi a panga nak thukham asi: (Efe 6:1-3)
Nu le Pa ti mi cu Fale hrangah Pathian ih pek mi a tha bik
mi laksawng asi.
(2) NulePa kha sunloih in an manhlat zia thei aw.
NulePa timi cu fale hrangah hi leitlun ih Pathian an si.
Hminsin ding
Hi Bible catlang cu thluasuah le a tha mi catlang asi.
(3) NulePa ih thusim mi kha thlun aw.
NulePa timi cu Fale hrangah Pathian aiawh tu an si.
(4) NulePa ih thu sim mi zaten thinlung sungah cingtha aw.
Ziangah tile NulePa timi cu Fale hrangah Pathian aiawh tu an si.
(5) Nulepa ih zirh mi thu kha manhlat in kilhim aw.
Ziangruangahtile NulePa cu Fale pawl hrangah a thabik mi
saya an si.
(6) NulePa pawl ih zirh mi thlun in nung aw.
Ziangruangahtile fale pawl cu NulePa ih thinlung an si/
damsan an si.
(7) NulePa ih thusim ngai aw.
NulePai thusim ngai nak cu fimnak a karhzia ih Pathian ih
mithmai tha ngah nak asi. (Lk 2:51-52)
Hminsin ding mi
NulePa pawl cu fate pawl kha midang thawn pawlkom dan
hmaisabik ih zirhtu an si.
(8) Curuangah (Mt 15:4) ah NulePa upat aw cu mi cu Pathian ih
thukham a si tin a sim.
(9) Cu a si ruangah Fale pawl cu Joseph le Maria ih kilkhawi
nak tangah a um mi naute Jesuh ih nun kha zohthim ih nung in
Nulepa par ih kan tuah ding mi pawl thazet in kan tuah atul.
(10) July 26 ih tuah ding mi NulePa puai cu a thi zo mi NulePa le
a nungdam lai mi NulePa pawl par ih lungawi nak ni asi vek in
NulePa pawl cu upat aw ti mi thukham cu tetti kan piah ding ni
A si.
(11) NulePa pawl cu mawi lo zet ih biak cu sualpi a si tin Bible
in in sim.
(12) Fale pawl in NulePa upat cu Pathian ih duh mi asi.
NulePa thusim mi ngai lo ih a cang mi pawl
(1) “A nu, asilole a pa a ningzahnak a tuahtu cu Pathian ih
camsaitnak tuarseh!” an ti tikah “Misenpi pawl in “Amen” an ti
pei”. Daan 27:16.
(2) Na nu le na pa na camsiat a sile, Khawthim lakih mei-inn mit
bangin na nunnak a cem ding. (Thu 20:20)
(3) Ka fapa, na pa ih sim bangin tuah awla, Na nu ih zirhmi kha
ziangtik hmanah hngilh hlah aw. (Thu 6:20)
(4) Pa ih nunsimnak a eltu cu mi-aa an si. Nunsimnak a saangtu
cu mifim an si. (Thu 15:5)
(5) Cuih tlunah a thanglamih daan pawl hi Bawipa in an hnenah
a pek. A nu siseh, a pa siseh, a camtu cu thah asi pei; a nu le a pa
a camsiat ruangah a sualnak thisen cu a mah ih lu parah a thleng
asi. (Puithiam 20:9)
(6) Pathian in, ‘Nan nu le nan pal upat uh,’ ati. “A nu siseh, a pa
siseh, a camsiat tu cu thah asi pei.” tiin a ti. (Mt 15:4)
(7) Na nu le na pa upat aw. Na innhnen kha nangmah na
duhdawt awk vekin duhdaw aw tiah ati. (Mt 19:19)
(8) Nan nu le nan pa upat uh timi thukham hi thukam pakhat le
thutiam nak pakhat asi. (Efe 6:2)
(9) Mah ih nu asilole mah ih pa a vuatu cu thah asi pei. (Suah
21:17)
(10) Bawipa cu na thinlung zate in rinsan aw. Nangmah ih
ruahnak le theihnak kha rinsan aw hlah. (Thu 3:5)
A cem nak ah
“Bawipa nan Pathian a simi keimah ih thupek bangtukin
nan nu le nan pa cu upat uh. Cuticun an lamzin a tluang dingih
ka lo pekmi ram ah reipi nan nung ding. (Daan 5:16)
Hi ni cu Pathian ih pek mi ni asi ih NulePa zaten damcak in
Fale pawl parah Mithianghlim Joachim le Anna te ih thluasuah
co hram uh.
Nu le pa puai tuah nak ih thuanthu tawi
Hi puai tuah a sinak ih thuanthu a tawizawng cu nu le pa upat ding ti mi Bible catlang ( Suah 20:12) (Daan 5:16. Efe 6:2.3/ Mt 15:4)
(1) Pathian in Sinai tlang par ah Moses hnen thukham Pahra kha lungpheng pahnih par ah a rak pek.
(2) Pathian in thukham pahra a pek nakah Pathian thawn a pehpar mi thukham pawl le minung le
Minung khat le khat parih ret ding mi thukham tin pahnih in a pek.
A hmaisa deuh lungpheng ahcun minung in Pathian hnen ih tuah ding mi thukham
pali asi.
A pahnih nak lungpheng ahcun a dang thukham paruk an tel.
(3) A pahnin nak lungpheng par ih a um mi a hmaisa bik thukham cu fale pawl hrangah asi ih
“Nan nu le nan pa nan upat pei. Cuticun Bawipa nan Pathian ih ka lo pekmi leiram parah cun san sau in nan nung ding”. (Suah 20:12)
Hminsin ding mi
(4) Fale hrangah Nu le Pa thawn pehpar in hmaisa bik le a thupi bik mi tuanvo a sil.
(5) Na nu le na pa kha upat aw. (Suah 20:12)
(6) Cui “thukham cu thluasuahnak le a tha mi thukham khal asi.
“Cui thukham sungah a thupi bik thukham cu (1) Na Pa Pathian ih pek mi ram ah na sansau ding, na nu le na pa kha upat aw.
(Suah 20:12… Hi catlang cu )
(2) Pathian in Isarael miphun pawl kha a pek ding mi Kaanan ram ah nun khua sau ding ih um ter ding kha a thukham asi.
(3) Pathian a zum tu pawl hrangah nu le pa upat cu kumkhua nunnak ngah nak dingah a then in a tel ve.
(4) Cu mi pawl ruangah July 26 ni cu Nu le Pa puaini (Parent’s Day) tin an run tuah nak a si.
Hi ni cu Pathian ih pek mi ni a si ih nulapa pawl zaten harhdam ten thin hnangamnak thawn fale pawl parah St. Joachim le St. Anna ih thlasuah pawl ngah hram uh.Nu le Pa thawn pehpar mi tuanvo
Nu le pa timi cu fale hrang ih “a hmaisa saya” an si. (Thufim 22:6)
Nu le pa pawl nan fale hrangah zohthim tlak si hram uh.
(1) Mai fale pawl kha………. Fimthiam nak ro pek lawng si lo
in, that nak lamzin tla kha hmuh ding/ piah ding.
“A innsang tha tein a ho theitu asi dingih a faate pawl cu
thungaimi le mi upat thiammi a si ding”. (1Tim 3:4) Ziangruangahtile fale pawl cu nu le pa pawl hrangah Pathian ih pek mi laksawng an si. (Saam 123:3)
(2) Nu le pa pawl ih tuanvo cu “Hibangtuk ih ka lo fial tikah ka
tumtahmi cu, thinlung thiang sungin a rami duhdawtnak, le
siatha thleidannak thinlung thiang le a felmi zumnak um seh ti
duhnak ruangah asi.” (1Tim 1:5)
“Nauhak pawl cu hramlak pangpar pawl vek an si. An nih
cu a dik mi kiangkap le thudik zirhin thu sim ringring an tul a si.
Ziangruangahtile fale pawl cu nu le pa pawl hrangah
Pathian ih pek mi “Ro sunglawi” a si. Saam 127:3
(3) Nauhak thu zirhnak ih a thathnemnak cu an tar tiang
lamzin sual ihsin an hlat awk. (Thufim 22:6)
Fale pawl cu caan lak in zirh an tul. Nun sim nak, zirhnak
A um lo a sile mitha an cang thei lo a si.
(4) Thuzirhnak ah thaten a nei lo tu nulepa cu fale pawl
a hua tu an si. “Na fapa na hrem lo ah cun a mah na duhdaw lo a
si. Na duhdawt a si ahcun nun na sim ding. (Thu 13: 24)
Duhdawtnak kan ti tikah thinlung taktak thawn duhdawt
ding a si. A tha lo mi cu hua uhla a tha mi kha kai hnget uh. (Rom 12: 9)
(5) Ruahsan ding a um ruangah na fale kha an no lai ah nun sim
aw. Na sim lo a sile an mah le an mah siatsuah aw dingin na
bawm a si. (Thu 19: 18)
Nunsim mi fate cu midang kha upat hna an thiam. Cule
mah le mah zumawknak a nei tu nauhak tin ih dungah a sang
zet mi nu le pa pawl kan hmu thei.
(6) Nu le pa pawl fale pawl thawn rem aw zetih um tlang ding.
“Nu le pa pawl, nan fale kha an thinheng ter hlah uh an thin a nau tata pang ding. (Kol 3:21)
“Ziangahtile miding cu veisarih tiang tlu hmansehla a tho
sal ding; sikhalsehla mitha lo cu vansiatnak in a siat suah
ding. (Wisdom 24: 16)
(7) Nauhak pawl kha duhdawtnak thu a zirhthei tu cu nulepa an
si kha an mang sal ih an kil him a si. Jesuh in “keimah in duhdawt ah
cun ka thukham pawl nan thlun ding. ( Jn 14:15)
“Hnatuan khung tuan awla na cawm aw thei ding; to men
ih ttong rero cu farahnak a si. (Thu 14:23)
(8) Fate cu BawiPa ih laksawng an si; a mah ih malsawmnak an
si. (Saam 127:3)
Nuncan ziaza tha ding in zirhnak cu hmailam can hrang ah
an thatnak tuahsak kha asi.
(9) Nangmah a lo thluasuahtu cu ka thluasuah ve ding, asinan siat alo camtu cu ka cam sia ve ding. Nangmah ka lo thluasuah vek in leitlun
mi hmuahhmuah in thluasuah in dil ding tiah a ti. (Seem 12:3)
Hminsin ding
Kan fale pawl kha nitin it hlan ah thluasuah pe aw. An mah
hmangin miphun hmuahhmuah cu thluasuah an co ding tin
Pathian in a sim.
Na fale hrang ih thlacam ding mi pawl
1. Na fale pawl kha Pathian thawn pawlkom nak an neih thei
nak dingin thlacam aw. Pathiam thawn pawlkomawk nak
timi cu nun ram famkim ter tu a si. Pathian le kan mah ih
pawlkom awknak hnak in a tumsawn mi pawlkomawk nak
ti mi cu hi leitlun ah a um lo.
2. Na faale pawl kha Pathian upat thei dingin thlacam sak aw.
“Kan mah pawl cu upat awk ding in tleu nak le ziangkim ti
teitu Pathian kha zum dingin nauhak pawl kha zirh aw”.
Upatawk nak le zumnak ti mi thil ah thlacam sak nak hi
thilziangkim hnakin sullam a nei sawn asi. Pathian kha
a upat tu nauhak cu an mah sersiam tu ih hnatuan ah tel ding
in an phur sawn ding asi.
3. Kan mah pawl cu fale pawl thawn kan biakawk dan vek in
Pathian thawn pehzom aw thei dingin kan tuah a tul.
Netabik ahcun cu mi cu na fale pawl kha Pathian thawn
pawlkom aw thei dingah lamzin pakhat asi.
Hminsin ding pakhat nak
Fale pawl cu nu le pa hrangah hi leitlun lawng hman silo
in kumkhua vanram tiang ih Pathian ih pek mi Ro sunglawi an si.
Hminsin ding pahnih nak
Curuangah nu le pa dinhmun in July 26 ni cu a danglam zet
mi fale pawl kha thluasuah pek ding nak ni a si.
