Tumram a bangawk lo tikah
Veikhat ah Khuai pakhat le Thothe pakhat cu an zam phah ah Lamzin pakhat ah an tonawk ih Khuai cu zin a hlo.
Cumi cu Thothe in a theih tikah Khuai kha a sim. “Khuai ziangah ka kiangin na feh lo” tin a ti. Khuai in “Na kiang ka naih paih lo ruangah” tin a sawn sal. Cutikah Thothe in “Ziangah kei cu ka phar ruangah maw?” tin a ti.
Khuai in “Asi lo, kan mizia kan bang aw lo. Nang tla na thla thawn na zam ih kei khal ka thla thawn ka zam ve. Asinan kan nih cu rual pi si ding kan tlak lo. Khuai ti mi kan nih cu pangpar ti pawl kha Khuai tizu ah kan tuah ih kan khawl. Nan nih Thothe pawl cu a bal mi pawl lakah nan nuam aw. Kan nih Khuai pawl cu ding ten kan zam. Nan nih cu a hel in nan hel ih nan zam. Kan nih Khuai pawl cu kan zuh dingmi pangpar hmuanah hel khat kan hel theh in kan zuuk. Nan nih Thothe pawl cu a balh nak hmun ah nan zam cih” tiah a ti.
Thothe in “Asinan kan nih cu nan mah vekin minung pawl kha tur thawn kan leh rul lo” tin a ti.
Khuai in “Kan tur cu kan zuam nak kha kilhim dingah pek cia mi a si. Kan nih Khuai pawl cu thlan rim kha kan hua. A bal mi pawl kan fih. A ngaingai ah cun nan kaa pawl, nan kut kee pawl lawng in minung pawl kha har satnak nan cang ter. Nan nih le kan nih lak ah a bang aw lo mi um daan pawl, a bang aw lo mi sinak pawl a um. “Cu ruangah nang khal na duh mi thil bal pawl lak ah nuam aw aw. Kei khal ka duh mi thinnomnak pawl ah ka nuam aw ding.”
Nunram ti mi cu phenthlam thuai ah a bang aw mi pawl kom khawm mi a si konan Thothe vekin thil bal pawl lakah a nuam aw tu pawl khal an um. Umtu daan, dinhmun a bang aw lo mi nunram ah ziangvek nunram ah ka um ti mi kha mah le mah suh awk a tul.
Curuangah nitin kan ton mi kiangkap, minung pawlkom lakah pom dan le si daan bang aw lo khal a um thei a si.
kei cu ziangvek minung phun ka si le a tha ti mi kha hi ca siar tu pawl zaten nan thleidang thiam ding tiah ka zum.
