Zarhpi ni Castel Gandolfo ih Angelus thucah, Pope cun sangka king ih luh in diltu Bawipa cu hmuak dingin in sawm. Midang hmuaknak le thungainak a thupi zia a langsar ter ih hleiah kanmah le mah hmuak ding khalah sian kan si.

Tuini Pathian biakkhawmnak ah thukham hlun le thukham thar sungih kan siar mi Abraham le a nupi Sarah teih mikhual zohthatnak thu ruat kir sal ding in, cu le Jesuh rualpi Martha le Mary, peknak le ngahnak, mikhual zoh thatnak thu pawl Pope cun a sim.

Lainatnak, ngaihsaknak le cohlannak cu mikhual zohnak ih a thupi mi pawl a si, a si nan tangdornak a thupi bik tiin Pope in a sim. Gospel thuthangtha siar mi ah Martha cu hnatuan in a buai thu, mitha le mi siangzet asi thu khal a sim . Asinan Bawipa thawn tawngawk ih nuamnak le a thusim a theih mi pawl cu a hngilh ding phan a um zet a si.

Thuruatnak cu thupitnak a nei ih “ kannun hi kanmaih hnak in thupi sawn in ong ih kan zir asile kan thanglian thei ding asi” cu cun “lungawinak le thinnuamnak” a keng tin Pope cun simfiangnak a nei. Cule Martha naunu Mary cun hmuaknak cu lungawinak men silo in Bawipa thu ngainak a thupi sawn tih a theithiam a si.

A netabik ah Pope cun Mary nun ih kan hmuhmi a niam sawn le thungainak, “a tha sawn hril theilo” kan silonak dingin in forh a si. Cun, ka zir mi cu mikhual hmuaknak le lawmnak kan tuah tha thei asi tiin thu rawn inpek asi. Kan hma ton ding pawl cu zalen zet in hlandan theipinak a si ih “Pek ding lawng siloin, ngahding tampi khal kan nei”a si a ti, Pathian thawn hmuaknak simaw, midang thawn tonawknak simaw, sersiam mi pawl thawn tla si seh” tih asi.

“Thianghlim bikmi kan nu Mary, kan Bawipa hmuaktu, a pum sungah pai tu, Joseph thawn umnak hmun pektu hnenah thla kancam pei. Amaih sungah, a mawizetmi kanmaih kawhnak le kawhhran ih kohnak, sangka kingih luh in diltu kan Bawipa cu a hmuak vekin mi zate hrang umnak hmun on a sinak kan hmu”.

Hi thuthang cu Vatican ih thuthang in kan don mi asi.