Catechism of the Catholic Church sungta kan run lo hlawm
194. “Mi thiangthlim pawl thawn hmunkhat sinak” timi cu ziang ti can a si?
Mi thianghlim pawl thawn hmunkhat sinak kan timi in a thianghlim mi pawl a si mi: zumnak, sacraments, a hleice in Mass, thlawsuahnak le thlarau laksawng dang pawl cu Pawlpi sungih a um tu kan zaten in kan co tlang thuh a si, tinak a lang ter. Hi hmunkhat sinak ih hrampi cu “maih hrang lawng hawl lo” (1 Cor 13:5) ih “ziang kim a ṭawm aw ih neinak” (1 Acts 4:32), maih neih mi thilri pawl khal mi farah pawl hrangih peknak a cang tertu duhdawtnak a si.
195. Mi thianghlim pawl thawn hmunkhat sinak timi in ti can dang a nei lai maw?
Mi thianghlim pawl thawn hmunkhat sinak timi in mithi le thosal Khrih thawn zaangfahnak ruangin mi thianghlim pawl ih pehzom awknak khal a lang ter a si.
- Mi hrekkhat cu leitlun ih khualtlawng mi an si.
- Cun mi hrekkhat cu hi leitlun in a feh zotu an siih thianhlimnak hrangih a tuar rero lai tu an si. Hi pawl cu leithlun ih a nung lai tu pawl ih thlacam saknak in bom an si.
- Hrek khat pawl cu vancung ramah Pathian ih sunlawinak a co ngah zo tu pawl an siih kan maih hrangah thla in camsak.
Himi hmuahhmuah pawl in Khrih sungah Thumkom Pathian thangṭhat le lawm dingin inn sungsang, Pawlpi, tuah a siih.
