Zarhpi ni tinten mipi thawn tawnawknak le Zinglam Angelus thlacamnak cu tuzarh ah cun thaal caan Pope cawlh theunak Castel Gandalfo ah an tuah. Zalenna tual ah Pope thawn thlacamkhawm nak neiding in Rome khua thawn a nai mi tlangpar ih sin Pathian biak dingih a ra mi mipi pawl hnenah Pope Leo XIV cun “Kumkhua nunnak ngah dingin ziang kan tuah ding” timi Bible catlang thawn pehpar in thusimnak a nei. Pope Leo cun himi thusutnak ah minung pawl ih thinlung sungah thihnak, thatlonak le tlaksiatnak ihsin luatnak ngahih kumkhua nunnak ngahding a duh thu a langter asi.

Kumkhua nunnak cu a hramhram lon ih ngahding, thu reltlannak in ngahding ti cu ziang tik hmanah a cang theilo mi a siih ro conak lawng in ngah thei mi asi.

Kumkhua nunnak cu nu le pa pawl in fa le pawl ro a pek vek in kan Pa Pathian lawngin a pek thei mi a siih Pathian in kanmah pawl inpek mi ro asi. Amaih ih inpek mi ro cu ngah ding ah amaih duhnak vekin kan thlun a tul. Amaih duhnak cu kan thinlung zaten Pathin duhdawt ding, mah le mah duhdawt vekin midang khal vaduhdawt ding asi. Cu tivek ih kan tuah asi ah cun Pathian ih in duhdawtnak kan lehrul sal asi.

        Pathian cu kumkhua nungmi a si vekin a duhnak khal nunnak a si. Kanmah minung pawl kumkhua nunnak nei dingin amaih a fapa neisun thlah ih amaih inzirh mi vekin duhdawtnak a langter a si.

        Bawi Jesu khrih ih nun cu duhdawtnak a thuk le a puan simfiangnak nun a si. Duhdawtnak cu siang zetin  a pek, ziang tik khalah a ngaithiam, a man tla a khung ih kan hnen ihsin khal ziang tik hmanah in tlansan dah lo.

        Bawi Jesu khrih thawng in kan nih minung pawl Pathian naih dingin in hruai vekin, kan nih minung pawl khal in kiangkap ih a um mi pawl duhdawtnak kan langter a tul, leitlun pumpi rundam tu Bawi Jesuh a sim vekin thin thanau mipawl thinlung beidawng tu pawl hrang hnemnak, thazaang peknak beiseinak pawl pek thei dingah kan mah pawl kawhnak ngahmi kan si.

        “Kumkhua nunnak ngah dingin thihnak cu kan pumpelh thei lo” midang pawl cu duhdawtnak le tangdor nak thawn kan rian a si le  kumkhua nunnak kan ngah ding a si” tiah mipi thawn tonkhawmnak ah a sim a si.

        Vatican thuthang ihsin kan don mi asi.