Thuthangtha sim tu – Saya Augustine Zai Hnin

Nitin Thlarau Rawl

July 11, 2025

Mt. 10: 16 -23

16 “Ngai uh! Cinghnia hraang rual lakih tuu thlah bangtuk in ka lo thlah a si. Curuangah rul vekin fimkhur uhla thuro vekin nan nun nem uh.

17 Ralring uh, ziangah tile nanmah a lo kaitu dingah mi an suak ding; zungah an lo thlenpi ding ih sinakok ah an lo vuak ding.

18 Keimah ih ruangah uktu le siangpahrang pawl hmaiah an lo thlenpi ding ih anmah le Zentail mi pawl hnenah ka thu thantertu nan si ding.

19 Thuṭhennak hmunih thlenpi nan si tikah ziangso ka sim ding ti le ziangtinso ka sim ding, tiin nan donhar hlah uh. A tikcu a kim tikah nan sim dingmi cu theihter nan si leh ding.

20 Ziangah tile a ṭongtu ding cu nanmah si loin nan sung ihsin a ṭongtu nan Pa ih Thlarau ṭongkam a si ding.

21 “Mi in anmah ih unau lala kha that dingah midang kut ah an thlengter ding. Pale pawl khal in an faate tlunah cu bangtuk ṭhiamṭhiam in an tuah ding. Faale pawl khal in an pale pawl an ral ding ih midang kut ah an thlen ding.

22 Keimah ruangah mikip in an lo hua ding. Sikhalsehla a netnak ni tiang a ṭang theitu cu runsuak an si ding.

23 Khua pakhat ah an lo hrem a sile khua dangah va tlan uh. Fiangtein ka lo sim: Milai Fapa a ra thlen hlanah Israel ram sung khua hmuahhmuahih nan hnaṭuanmi cu nan ṭheh man lo ding.

Leave a Reply

Your email address will not be published. Required fields are marked *