Pope Leo XIV le Ukraine President Volodymyr Zelensky cu Ukraine ram doawknak thuhla, duhlo cing ih kaihmi nauhakpawl kirsal theinak ding ah remdaihnak le thurelkhawmnak pehzawm ih neitheinak dingah tanpi dingin relkhawmnak an nei.
Tlawngkai ni hnih ni zanlam ah Pope Leo XIV cun Ukrane President Volodymyr Zelensky cu amaih bulpak inn Castel Gandolfo ah an tong aw. Thupit ih an rel mi cu Ukraine ram ih doawk rero lai mi cu kaphnih thureltlannak in remdaihnak um theinakding a tul thu an rel.
Vatican thuthang ih suahmi vek in an thurelnak ah Ukraine ram buainak cu a reh theinakding ah huatawknak le tharumsuahnak pawl cu kaphnih thurelnak in remdeihnak a suah theinak ding ah an rel tlang asi. Pope in ral buainak ruang ih harsatnak tuartu Ukarine mi pawl a tuarpi thu le daihnak a um theinak ding ah thla a camsak thu a sim.
Pope cun diklo zet in kaihmi le innsang thawn thenawkmi nauhakpawl an kirsal theinak ding, Ukraine le Russian aiawh pawl vantican ah remdaihnak hrang thurelkhawmnak nei ding a duh thu pawl an relkhawm asi.
President Zelensky cun thuthang ngantu pawl hnen ah “Pope thawn tongawknak leh thureltlannak parah a lungawithu le Vatican in a bawmnak parah a lungawi thu a sim. A thupi bikah diklo zet in Russia pawl ih an kaih mi nauhak pawl an inn cio ah an kir sal theinak ding, ralbuainak um nawnlo in remdaihnak um a duh thu a sim,”asi.
Hi thuthang cu Vatican thuthang ihsin kan don mi asi.
