Pope Leo XIV ih Biaklam lam tikcu caan hman daan ding suah. (July 3, 2025)
Pope Leo in a ra lai ding mi August le Septembet thla ih a tamzet mi caan hman daan pawl suah a si.
Pope ih biakthawinak ih caan hman daan ding pawl cu Tlawngkai nili ni ah Pope zungih biakthawinak lam tuanvo neitu in an suah. July 6, 2025 in a mai colhnak hmun Castel Gandolfo ah a um ding.
August 3 ni ah a mai caanserh thupi pawl hman ding daan vekin zinglam Missa sumnak ah mino pawl hrang ih tuah mi Jubilee caanserh hmannak a nei ding. Cu mi Jubilee cu kum 2000 kum Jubilee pi tuah lai ih hman mi Saint John Paul II ih rak a tuahnak hmun ah a tuah ding.
Tlawngkai nili ni August 15 ni ah Castal Gandolfo ih Saint Thomas, Pontifical Parish ih tuah ding mi Assumption of the Blessed Virgin Mary Puai ( Bawinu Maria Vancung ih hruainak a ngahnak puai) Leitlun huap ih tuah ding mi Missa raithawinak ah hoha in tuahnak a nei ding.
September 7 ni Zarhpi ni ah Blessed Carlo Acutis le Blessed Pier Giorgio Frassati, Mithianghlim ih khaisannak Missa raithawinak cu St.Peter Square tual rawn ah hoha in a tuah ding. Hi mi ni cu Pope Leo XIV ih June 13 ni a hmaisabik apnak tuah ni ah than cia mi a si.
Cuihnu Zarhkhat hnu Zarhpi, September 14 ni zaanlam ah Pope in Saint Paul Outside the Wall ih Basilica ah zumnak a langsar tu le zumnak ruangih thah a tuar tu pawl sunloihnak Missa raithawinak a hoha ding.
Anetabik biak thawinak caan hman daan ding cu September 28 ni zinglam ah St,Peter Tualrawn ah Jubilee of Catechiste ( Pathian simtu Saya pawl ih Jubilee) ah Missa raithawinak hoha in a tuah ding a si. hi thuthang cu Vatican thuthang in a tawi zawngin kan ngan mi a si.
