July 1, 2025.
The United Nation’s food and Agriculture organization (UN) le FAO ih a vei 44 nak conference cu June 28 ni in July 4 tiang Rome khuapi ah tuah rero lai a si.
In le ei daihawk lonak le thazaang hrangih a um lo mi in le ei pawl hrial dingah FAO pawlkom dinnak kum 80 kim nak caanserh ih a kaitu pawl hnenah Pope Leo XIV in ca a rak kuat.
A cakuat mi ah Pope in Jesuh Khrih in a hnenih a ra tu mipi pawl cu ngaihsak in rawl a rak do vekin “zoh a rem lo mi leitlun pi huap ih rilrawng laitaamnak a do rero tu Pawlpi ih zuamnak zaten tha a pek thu, Khrih ih mangbangza a tuahnakah a ngaingai kan ti le duhhamnak thawn sar in a khawltu pawl hnakin a zemtu dinhmun ih a um mi rilrawn laitaamnak kha a dotu ih tuahnak a si thu thei tlang dingah a sim.
Leitlun hmun hrek khat ah a luangin a liam mi thil suahnak a um nan, rilrawn laitaamnak pawl le A farah harnak pawl peh bet in a um ih minung tampi cu rilrawl laitaamnak an tuar rero lai ih cu pawl in tulsam mi khahsilh sak dingah an hngak thu, riahsia zetin kan hmuh mi cu minung sinak thawn a kaih aw lo mi raldonak ah rilrawn laitaamnak cu hriamhrei vekih hman a si ruangah a si.
Mipi pawl cu rilrawng dingin ret a si ih raldonak cu man ol zetih tidaan pakhat ah a cang ti khal in siseh, tuisun ih ralbuainak tam sawn cu ralkap le ralkap doawknak a silo ih hramhrei kai mipi pawl thawn doawk a si ih Lorawl pawl meisa thawn urnak le minung zawnruahnak bawmnak pawl an phit ih cuvek thil tinak cu humhimtu um lo mipi pawl parah thalonak nasa tukin a thlen ter thu, Pope in sawhkhih in a sim ih ralbuainak a thawh tikah Lothlotu pawl cu an mai cin mi rawl zuarnak um lo in le Paisa man neih lonak pawl ruangah tan ziangzat hanglo mi minung pawl cu rilrawng laitaamnak le in le ei daihawk lonak a suah ter thu, a sim ih ramtinkim pawlkom dinhmun in a luartuk tu pawl kha azizu ( mawhthluk) in daantat dingah, hi tivekih luartuk ih tuah tu pawl kha minung pawlkom pawlin namhnget in a dangten ret nak pawl, hriamkai pawlkom pawl le sumdawnnak a siat suahtu cu in le ei harsatnak pawl tamdeuh in tam ter dingah a thupi bik ih a tuah rero tu an si thu mang tlang uh si tiah a sim.
Ahleice in minung zawnruah ih bomnak pawl, hnaihnokih a phit tu thilti nak pawl, mai hmun le ram suak mi thil pawl a siatsuah tu pawl cu mipi pawl hnen, in le ei thlenter lo ti lawng silo in milai sinak ih nun theinak tiang in a sun ter thu khal mang tlang uh si.
Rampi ih daihnak le rualremnak cu in le ei pawl ti dan thei ruangah maizawn lawng ruahnak, ziangrel lo ih umnak pawl hrial in thurel tlangnak le theihthiamawknak thawn din tlang dingah a mahte ih a cang mi siatsuahnak pawl le ramsa pawl sunak cu nunphung bangawk lonak a thlen ter ruangah kiangkap le minung hrambun mi bangran ten a thar ih tuah a tul thu, riasiat za a si mi sumpai pawl le danglam hleice mi tidan thar hriamhrei suahnak le zuarnak pawl ah tidaan thlengin an hmang a si.
Minung kiangkap ah thusuh ding ruahnak pawl khaisannak cu pawlkom sungih pehtlaih awknak siatsuahnak, suak khat unau thinlung a hlapi ih retnak, pehtlaihawknak rem lo nak a thang ter ih lungrualnak siat ternak pawl, cu ti vekih that lo nak pawl a suak ter.
Netabikah Pope Leo in mitampi thathnemnak hrangah mitin in remdaihnak ih zuksuai thiam fimnak neitu si cio dingah rilrawng laitaamnak buainak kha a hnget mi ramkhel duhnak thawn reltlang cio dingah a rak sawm. Hi mi thuthang cu Vatican thuthangin a remcang zawngin kan ngan mi a si.
