(355-431) June 22
Nola khuapi ih Bishop a si mi mithianghlim Paulinus cu kum 355 ah France ram, Bordeaux ah a rak suak. A mah cu hminthang zet mi ca ngan tu sayagyi Ausonius kut tang ah fimthiam nak a rak zir ih biazai le tongkam thiam nak thawn pehpar in a mah thawn bang aw lo in a rak thiam zet. Mi tinkim ah an thianhlim nak, a mawi zet mi an cangan daan, a tangdor zet mi an thinlun, a tha le duh a nung zet mi hmuihmel pawl cu kan upat cio tiah mithianghlim Jerome in a rak sim. France ram ih Bawi upa a si mi a pa ih dinhmun a rak luah ih Italy, Fance le Spain ram pawl ah hna a rak tuan. A mah cu Therasia thawn an rak thit awk. Kum 390 ah a hna tuan a cawl ih Aquitaine in a rak thawn. Cui khuapi ah Bordeaux ih Bishop mithianghlim Delphinus in pawlpi sungah a telh ih baptism a rak pek.
An fapa neihsun a thih hnu ah an nupa ten thianhlim nak an lak ih an neih mi an hlawn thil pawl cu mifarah pawl an rak pek. Kum tawkfang a rei hnuah mipi ih dil nak ruangah Acellona Cathedral ah mithianghlim cannak a rak lak.
Cui hnu ah a rualpi hrekkhat pawl thawn Naples khua kiang ih um Nola khua fate ah Yatih pawl ih thlun a tul mi upadi ih fial mi pawl a rak hmu ih kum tin ten cui khua a kilkhawi tu St. Felix upat nak biazai pawl a ral phuah. A thianhlim nak in a hmin a than ruangah Paulinus cu Nola khuapi ih Bishop ah an rak nemhnget. A mah cu a fimthiam nak thawn Nola khuapi ih Bishop si nak kum 431 ih a thih tiang rori a rak uk.
