Pope Leo XIV in Bawipai thi le sa puai zarhpi ni, St. Peter tualrawn ih a thlengtu khawmzawhtu mipi pawl hnen ah thuthangtha a rak sim. Tui ni siar mi Bible Cathianghlim sungah Jesuh ih thuthangtha sim mi ngai dingah mipi pawl cu an pumkhawm aw. Jesuh in Thuthangtha lawng a sim lo. Mipi pawl lakih dam lonak a tuartu pawl khal an natnak a rak dam sak. Thuthangtha lawng cekci sim lo in a sim mi thuthangtha kha a ngaingai in a langter ih ruundam tu ti mi thu neitu a si vekin a thawm huham thawn mina pawl khal a dam ter a si. Hi ti vekin Pathian thawn nelawknak kha minung pawl in an rak cohlangih an rak tep a si.
Pathian ih uknak hmun le ramah thatlonak thawn kan hlat aw. Kan tulsam lai caan, ka dam lo caan, leitlun nunnak ih netabik caan pawl ah Jesuh cu kan lakah a um a si. kannunram ih kan tulsam caan ah kan hnenah duhsan a nei a si.
Hlawmawknak ih hminsinnak a si mi Jesuh cu a tam lo mi sang le Nga pawl a zemnak in tampi ah a can ter a si. ngamhngetnak le laiteknak ti khal a nei lo. an mai rilrawnnak a reh tiang ei dingih a pek hnuah a hlei an sar mi Kho 12 an ngah sal a si. Jesuh in a tamzet mi mipi pawl ih an rilrawnnak a khahsilh ih khop zet in a rak do a si.
Pathian ih tuah mi cu a tuah mi a si. Kan ni khal cu tivekih tuah dingah in zirh a si.
A tuisan leilungpi ah a hrek khat pawl ih duhhamnak ruangah rilrawngtu pawl ih harsatnak kha mang ding khal ah a thupi a si. Kan mah pawl cu farah harsa pawl hnen hlawmnak thinlung a mal ruangah mimal sawn cu hman khal le cem thei lo dinhmun a si ih mitam sawn cu farah harsatnak an tong rero a si. Midang pawl ih harsatnak ziangsiar lo ih umnak in tuahmawhnak le dik lonak pawl a thang sinsin a si. Ahleice in a thianghlim mi Jubilee kumah Jesuh Khrih tahfung a si mi tahnak cu kan mai tuahnak pawl le riantuannak hnatuan pawl kha kan kilhim a tul a si. Kan mah pawl cu kan mai neih mi Sang cu a tulsamtu pawl hnen pe dingah kawh mi kan si. Curuangah Pathian ram a thlennak a nai can a si thu khal a rak sim.
Jesuh in Sang nung ka si. Cui sang in minung zaten thihnak in a ruun a si. Hi mi zumnak thuthuk cu Bawipai thi le sa raithawinak sungah a rak tuah. Rilrawn laitaamnak cu kan mai nunram ih tul tuk mi a hrampi a si. Curuangah Sang hlawmnak zemnak cu Pathian ih ruundamnak laksawng kha a langter a si.
Duhdawt zet mi ka rual le pawl, Bawipa Jesuh cu kan mai rilrawnnak hru ter dingah Pathian ih rawl do nak a si. Ziangruangah tile Jesuh khrih taksa a si mi Sang cu kumkhua nunnak a si. Lak uhla ei uh nan zate hrangah a si.
Nunnak ngai ngai a si mi Jesuh kha kan sannak in kan mah pawl cu a mai hrangah kan nun a tul a si. Amai taksa kha pumhlum in kan apnak in Thianglamtah parih a thih hnu a thosal tu Bawipa cu amah le mah kan kut sungah a ap awknak a si. Kanni khal Pathian kha cohlang in sang dingah sersiam kan sithu in thei ter a si.
Khrih thawn kan komawknak, Pathian in kan mah hnen in pek mi rawl in kan mah pawl cu thazaang in khah silh a si. Juseh Khrih cu kan zate ih thinlung sungah thleng dingin cohlang thlang uh si. Mitin in a mai ruundamnak hnatuanah tel dingah Jesuh in do mi rawl hil tlangin ei tlang dingah sawm kan si. Puai hmun ih sawm nak a ngahtu pawl cu mithlasuah an si. Ziangah tile Jesuh Khrih thawngin Pathian ih a langter mi duhdawtnak ih tetti pawl an si tiah a rak sim.