Pope Leo XIV in minung pawlkom remdaihnak ding hrang zaangfah dil.
Nisuahnak a laifannak ah a thupi zet mi ralrin peknak pawl a thang ih a tleng a si. a thupibikin Iran in a si. Israel le Palestine pawl ramri tonawknak hmunih a um tu pawl kha dinhmun tha lo an tong rero a si. hngilh an tuar pang ding tin seh, minung zawnruahnak ih a tul mi pawl thupit in than a tul thu le a tul mi pawl daihko in pek an si lo ding khal phan a um. Nidang ai in a tuicaan hi minung remdaihnak hrangah dil rero a si. Remdaihnak dilnak ah tuanvo laknak le a thumu ruahnak um dingah netabik ih suak mi hriamhrei pawl thawn hrinhronak hnuai khal ah siseh, tongthlum kamnal sungih tel cihnak pawl in buainak a suah nak sungah tla lo in um a tul. Leitlun pawlkom tinah ral donak cawl dingah a silole a thukzet mi khur vekin ral buainak cu a cem thei lo ding a si.
Minung sinak cu lehrul nak phun a sile buainak thawn a nai aw ringring ding a si. ralthawnak, buainak pawl a rem thei lo. Tamdeuh in a thangter sawn a si. Thinnatnak lawng a thangter thu, minung thuanthuah fiangten hmuh a theih a si. Cui tuahmawhawknak hlo dingah santhar minung tampi a tul a si. Ralkap ih nehnak cu mai sun mi fa le pawl hrangah na zet in a tuartu Nu pawl ih hriamhma a dam ter thei lo a si. Thinlung lam siatsuah a tuar tu nauhak pawl ih hmailam hrang lak sal a theih lo a si. Ral lam bomawknak cem hram seh. Ramtin ah an mai hmailam siatsuahnak, thisen suakih siatsuahnak silo in remdaihnak kha khaisangin a tuah theitu si nak an ngah theinak dingah Pope Leo XIV in Zarhpi sun Angelus thlacamnak caanserh sungah a rak sawm a si.
