Tuisun Bawipai Thi le Sa puai ni Mass thawh hlan ah fr pawl in sualthlah ngai nak tuah sak.
Sualthlah nak in thinlung a hahdam terih thinlung sungih a rit mi a zang ter a si.
Thilrit a phurmi le zonzaih a tuartu pawl, ka hnenah ra uh, colhdamnak ka lo pe ding. Ka kawn hi phurhnik uh. Kei cu nunnem le tangdornak thinlung neimi ka si. Ka hnen ihsin zir uhla colhdamnak nan ngah ding. Ziangahtile kei ih kawn phurh cu a nuam ih ka thil khal a zang a si, tiah a ti.(Mt 11:30)
Cutiin a si ruangah nan sualnak cu pakhat le pakhat hnenah phuang ton aw uhla thlacam ton aw uh; cutiin harhdamnak nan ngah ding. Mi dingih thlacamnak cu a cak zet ih hmual a nei a si.(James 5:16)
Jesuh in an hnen ahcun, Nan hnenah daihnak um ko seh! Ka Pa in i thlah vekin nannih khal ka lo thlah ve a si, tiah a ti. Cutiih a ong hnuah an parah a thaw a thawt ih, Thlarau Thianghlim rak co uh! Mi an sualnak nan ngaidam ahcun ngaidam an si ding; nan ngaidam lo a si ahcun ngaidam lo an si ding, tiah a ti.( Jn 20:21-23)
Hi ti in a dungthlun tu pawl a rak cah ta a si. Jesuh Khrih duhnak hawl cio uh si.
