June 22, 2025 Zarhpi ni cu Catholic Kawhhranpi in Bawipa Thi le Sa Puai in tuah sak a si. Hi mi ah a tanglam vekin kan Bible Cathianghlim sungih in zirh bangin kan run tarlang a si. Hi mi ah ruah ding tampi a um a si.

An hnenah Jesuh in, Thungaite in ka lo sim: Milai Fapa taksa nan ei lo ih a thisen tla nan in lo ahcun nan sungah nunnak nan nei lo ding. Zokhal ka taksa a ei ih ka thisen a intu cu kumkhua nunnak a nei ih ni netabik ah nunnak ah ka thoter ding. Ziangahtile ka taksa hi rawl taktak a si ih ka thisen cu in dingmi taktak a si. Zokhal ka taksa a ei ih ka thisen a intu cu ka sungah a nung; cule keimah khal a sungah ka nung a si.

A nungmi Pa in i thlah ih amah ih ruangah kei khal ka nung a si. Cubangtuk thotho in keimah i eitu cu keimah ih ruangah a nung ve ding. Vancung ihsin a rungmi sang timi cu himi hi a si; nan pu le nan pa pawl cun sang an ei ih malte a hung rei cun an thi thotho; vancung ihsin a rungmi sang cu cuvek a si lo. Hi sang a eitu ih piang cu kumkhua in an nung ding,
(John 6:53-58)