Tui kum June 19 ni cu Pope Leo XIV ih Puithiam can kum 43 kim ni khal a si. hi ni ah Pope Leo cu Pope zung thawn pehpar mi mipi thawn pehtlaihnak hmun a si mi Santa Maria di Galeria ih Radio thlahnak hmun ah a rak feh.
Cui hmun ih hnatuan tu pawl thawn an tonaw ih aw thlahnak hmun pi bik khal ah a rak feh. Hi mi aw thlahnak cu Pope Pius XII inn 1957 lai ih a rak din mi a si ih 1991 kum khalah Pope John Paul II khal a rak leng dah tiah an sim.
Pehbet in Pope Leo XIV in Latin America le Africa ram ih rian a rak tuan lai khalah Vatican Radio ih thlah mi pawl ka rak ngai theu ih a man hlat tuk thu, hi mi cu Pathian hnatuannak ah mipi pehtlahnakah a thupit tuk thu a rak sim.
Tikcu khel in canbang lo in thuthang thlahnak ah hna a tuantu zaten par khalah a lungawi thu a rak sim ih cui hmun ih riantuan tu pawl hnen thlasuah khal a rak pe a si.
