“Puanthlam kiangah an vaan mi Phayawngdeeng asi ih Bawipa Jesuh cu Puanthlam sungih a um thu kha a lang ter.
Pathian cu “Kumkhua” um a si kha a ti duh nak asi. Meiinn cu a thianghlim mi phar dung a silole a dang khatlam ah an ret asi.
Curuangah Roman Catholic innthar pawl cu a dangten a um mi biakinn a silole biakinn ih a dang khaan pawl ah Bawipai thisa ret nak innte kha ret asi theu.
Kawhhranpi in cui Bawipa thi le sa ret nak inn te kiangah meiinn an ret ih cui tleu nak ruangah Pathian a um ringring kha a lang ter.
Meivannak fung a tel nak (Suahlannak 25:31-40)ah “Sui in meivannak fung nan tuah pei. A tawphah lw a fung pawl cu sermi sui in nan tuah pei ih a mawitertu pangpar pawl, a mum le a par tla cu a fung thawn an peh aw thluh pei. A ttek hmuahmuah ah khulhthuang par bangina mum le a par thawn, a mawitertu pangpar pali an um pei. A ttek khuah thumih hnuai ciar ah pangpar mum pakhat fingfing a um pei.
A mum le a ttek pawl tla a fung thawn an peh aw thluh pei. Sermi sui hlir pakhat in tuah theh a si pei. Cuih meivannak fung pakhat parah mei pasarih nan vang pei ih hmailam tleu dingin nan vang pei. Caiceh le darkheng pawl khal suihlir in nan tuah pei. Hi meivannak fung le a thilri hmuahhmuah pawl tuahnak ah sui pawng zakhat nan hmang pei. Tlang parih ka lo hmuhmi innruang vek cekci in fel tein nan tuah pei” tin a ti ih Israel mi pawl in an tong.
Thurel khawm nak inn ah Mei inn pawl um seh, zaanlam ihsin zinglam tiang “Nazi 24” sung an ret. “Isreal mi pawl kha an olif hriak thabik rak keng dingin thu pe awla cule meiinn cu cat lo in a vang ringring thei ding. Pathian in a minung pawl a ton nak puanthlam sung, thukam kuan an ret nak hmai zawn ih puanzar lenglam ah a cuiih meiinn cu Aaron le a fapa pawl in an ret pei.
Cu tawk ah Bawipa ih hmaikaa ah zaanlam ihsin zianglam tiang meiinn cu an vang ter pei. Hi thu pek mi cu Israel mi pawl le an tesin fa pawl in a kumkhua in an thun ding mi a si”. (Suahlannak 27:20-21)
Christian pawl biaknak hmun ah an hman mi san a man mi mei inn pawl cu kumkhua Pathian thawn direct in an pehtlaih aw.
