Khuahlanlai ah mipa khat cu Rul pakhat kha nitin a cawm ih bawm sungah a ret.
Cumi Rul rawl pek ding kha nikhat ah Zinghnam pakhat bawm sungah ret sak in a ei ter.
A sinan Rul cu Bawm sung ihsin ziangtin ka luat thei pei ti lawnglawng a ruat.
A sinan a luat nak ding lamzin kha ziangti hman in a hawl hmu lo.

Nikhat cu Rul in thu a ruat ngah, hi sung ka um nak a rei tuk zo ziangti hman in ka suak thei nawn lo. Rei hlan ah ka thi thlang ding ti a thei.
Cu ruangah tuisun a ei ding mi Zinghmam kha ei lo in a thlah. Rul cu cutin ruat in Rul kaitu pa ih pek theu mi Zinghnam pakhat kha tuitum cu ei lo in dai ten a um.
Cutin a thlah ruangah a thinlung sungah a nuam awk tuk. Nazi khuai hrawng a rei hnuah ei lo ih a ret mi Zinghnam te cu bawm te kha a keu cat thei.

Cutik ah Zinghnam suah nak ong in a nih khal a suak ih a luat thlang.
Kan mah pawl khal mai hrang lawng ih kan tuah hman ah ruah thiam ding hi a thupi.
Voikhat voihnih ah kan kut tang ih hna a tuan tu pawl kha parlam dinhmun in ka pawlkom theu.
Mah sinpi ding in midang an pal duh khal a mak lo. Hna pakhat tuan nakah mah lawng ih lak theh hnak in kuttang hnatuan tu pawl par ah zangfah nak, bangran te ih pekawk nak hin hna ah that hnemnak a um vek in kan hna in tuan sak tu pawl khal in, upat hna an thiam ding asi.

Kuttang hnatuan tu pawl par zangfah nak nei hi sumdawn nak hlawntlin nak ih a tul mi pakhat asi.
Rul khal a kuttang ih um Zinghnam kha ei lo in a thlah ruangah suah nak a hmu ih a luat vek in hna pakhat khal ah mai hnatuan tu, kuttang ih um pawl kha mah hlawknak lawng ruat lo in duhdawt nak thawn pawlkom sile harsat tong caan hmanah kuthnuai hnatuan tu ih bawm nak thawn zuam in luat thei ding asi.

Curuangah mai sumdawn nak hlawhtlin duh sile kuthnuai hnatuan tu pawl kha caan pek ding kha hngilh lo ding in ruah nak ka lo pe duh asi.
Credit: Original- Uploader