Innsang thawn Pathian hnatuannak ti mi thuluu thawn hram bun in zirhnak le thurel tlangnak ah Pope Leo XIV in innsang tinah Pathian tong dingah innsang ah Nga kai tu ti mi caanserh ah tel cio dingin mitin a rak sawm.
Pathian tong dingih a hawltu an tam ti mi hram bun in Pope Leo in Pawlpi cu tuisan ih ruah ding mi pawl thlei dang in nunau le mipa tin ih thinlung sungih a um mi zumnak thu tharthawhnak ah ruahnak tum zet neitu si a tul thu, Khawhhran sung ih cangviahnak ah tel a duh ko nan thu a phunphun ruangah tel thei lo in hnon a tuartu pawl a hleice in thlarau lam, Pathianthawn a hlat mi innsang pawl hnen kan thlen a tul thu, Pathian tong dingah sawm nak a ngah lo tu pawl ziang tluk in an tam, ka zumnak cu keimah thawn lawng a pehpar aw, kei cu khui tawk ih ka khawm khal le kei mah thawn lawng a sai ti mi mah te tuah duh tu pawl an tam nak cu kan unau pawl kha Pawlpi pi sungah a um mi Pathian ih thlasuah pawl hmu thei lo dingin donkhamnak parah ka thin a phang.
Nunram ih nomnak le a san a hawltu pawl a tam sawn cu tuisan ih media pawl ih an langter mi a lem nunram ih umnak pawl rinsan in an lamzin a cem theu. Lamzin a palh tu pawl cu harsatnak pawl thawn an tik cu an cem theu. That lonak le thihnak ih a pil tu pawl cu Khrih an tonnak in run dingah nan ni cu Leitlun ih Nga kaitu si dingah Pawlpi in a rak sawm a si.
Pathian ih duhdawtnak kha lehrulsal in cui duhdawtnak thawn minung pawl thawn komawknak cu kan mai zumnak a si. Thuhman a hmu thei lo tu Christian kha daan thawn a kaihkhih aw mi hmun, nuntu zia pawl thawn a kaihkhih awknak hmun , thilrit ih nennak hmun, duh um lo zet mi tidaan kel pawl kilhimnak hmun pawl ih hmuhnak cu riahsiat za a si.
Bishop pawl in leitlun ah sursep in innsang pawl kaitu ding “Nga kaitu” si a tul. Zumtu zate cu Bishop pawl thawn hi mission hnatuan nak ah tel tlang, tuan tlang lawngah kan innsungsang pawl, nupa pawl, mino pawl, nunau le mipa pawl, ziangvek kum tam le mal le dinhmun phunphun ah Pathian thawn tong aw ter dingih komkhawm awknak pawl cu Innsang pawl kai tu “Nga kai tu” ah an cang ding.
Pawlpi a tansantu pawl, a ra kirsal lo tu pawl hawl ding tuanvo cu kan zate ih tuanvo a si. ziangruang an ni pawl an ra kir sal lo nak thu pawl khal zingzawi in an nunram, an harsatnak, an ruahnaknak pawl thei dingah cui hnu lawngah zumnak an cohlang thei dingin bawm dingah le Pawlpi ih innsang sungah ko sal dingah a si.
Hi Mission hnatuannak ah san ti luan ih harsatnak pawl kha santhar nonawn pawl ih dinhmun ruangah thinnau loten ti thei tawk daan pawl hmang in Pawlpi sungah kaihruai sal dingah a rak forhfial. A netnakah Pope Leo XIV in innsang pawl le mission hnatuannak parah Thiangthlarau ih kaihhruainak ngah dingah thlacam sak phah in a thu sim a rak cem ter. Hi mi thuthang cu Vatican thuthang in kan ngah mi a si.
