Pope Leo XIV in a mai a hmaisabik June thla hrang thlacam tumtah mi ah June thla cu Jesuh thianghlim thinlung upat peknak thla tin tuah a si theu vekin leilungpi ah zaangfah lainatnak a tam sinsin theinak dingah tumtah in a rak suah.
Pope in Pope’s Worldwide Prayer Network ihsin tui thla ah hi tumtahnak hrang thlacam tlang dingah zumtu pawl a rak sawm.
May 8, 2025 ni ah 266 nak ih hril a si hnu Holy Father dinhmun in a veikhatnak a hmaisabik thlacam nak video a rak suahnak a si.
June thlahrangah Pope Video cu Pope Leo ih thlacamnak thawn a rak thokih kan mah pakhat cio ih Jesuh thawn kan pehtlaihnak ah, a thinlung thianghlim in leilung pi ah zaangfah lainatnak nei in in zirh theinak dingah tiah thlacamnak thawn a rak thok. Cui Video sung khalah Jesuh thianghlim thinlung thlacamnak khal telh in a rak cam.
Hi mi ah Jesuh thianghlim hnen thlacamnak khal nunau pakhat ih aw thawn hohanak in an rak cam.
Pawlpi in a thianghlim mi Jesuh thianghlim hnen June thla hrang apnak cu hlanlai tuah daan kel vekin tuah a si theu. Hi mi ah Pope pali pawl in upat peknak Capi khal an rak suah.
Pope Leo XIII nak in Jesuh in minung pawl hmuahhmuah cu a mai Jesuh thianghlim thinlung hnenah a ret theh tiah 1899 kum ah Annum sacrum thuluu thawn Capi a rak suah.
1928 kum Pope Pius XI in Miserentissimum Redemptor ti mi thuluu thawn capi a rak suah. Pope Puis XII in 1956 ah Haurietisaquas ti mi thuluu thawn capi a rak suah. Pope Francis in 2024 ah Dilexitnos thuluu thawn a rak suah. Pope video cu thla tin Pope ih thlacam tumtah mi official ih thlahnak a si.
2016 ihsin thokin Pope Video cu Vatican social network in minung 247 million in an zoh ih ram 114 in an ngai theu ih ttong 23 hnakih tam in an mai ttongin an let.
Pope’s Worldwide Prayer Network cu misenpi thawn pehtlaihnak pakhat a si ih Catholic Pawlpi ih Pathian hnatuannak (Mission) le minung pawl ih ton rero mi harsatnak pawl tuanvo la in thlacamnak le cangvaihnak thawn Catholic Pawlpi ih cangvai dingih tuah mi mission hnatuannak a si. hi mi thuthang cu Vatican thuthangin a tawi zawng le famkim thei tawk ih kan ngan mi a si.
