Zumnak phuannak
Milai Tong Dingah Pathian a Rungṭum
Pathian ih Thuphuan
- Pathian in milai hnenah ziang thu a sim?
Pathian in a maih ṭhatnak ruangah amah le amah siseh, a tumtah mi duhdawtnak thu siseh, ṭongkam le ṭuannak thawn milai hnenah a phuang. Himi rorelnak vekin, milai in Pathian ih zaangfahnak thawn a Pathian sinak le nunnak cu a maih fate vek in Fapa Jesuh sungah co ding kan si.
2. Pathian in kan nu le pa hmaisabik a si mi Adam le Eva hnenah a phuang awih amah thawn um khat dingin a hnenah a ko hai. Adam le Eva cu sual sungah um hmansehla Pathian cun, cawl loin, an hnenah a phuang awih an tefasin pawl hrangah rundamnak pe dingin a tiam kam. Cun tilik ṭheh ah, Pathian in Noah hnenah thukam a tuah. Himi Noah hnenih thukamnak a tuahnak in Pathian in milai thawn thukam a tuah tinak a si.
3. Pathian ih thuphuan neta pawl cu ziang an si?
Pathian in Abraham a hril. Cun Abraham cu Pathian in a ram ihsin a ko suak ih “miphun tampiih pa ah a tuah” (Semtirnak 17:5). Leitlun ih a um mi miphun hmuahhmuah khal Abrahman hnen ihsin thlawsuah pe dingin thu a kam (Semtirnak 12:3). Abraham ih tefasin pawl cu kan pi le pu hnenih Pathian ih thukam mi ro cotu an si. Pathian in Israel pawl cu a maih hril mi miphun ah a tuah ih Egypt mi pawlih sal kuat sung ihsin a luat ter. Sinai tlang parah thukam a tuah ih Moses hnen in Israel pawl cu thlun ding daan a pek. Israel sungin le Siangpahrang David ih inn in miphun zate tlen ding le run dingah Runtupa Jesuh a suak ding tiah Profet pawl in thu an phuang.
4. Pathian ih thuphuan famkim cu ziang caan ah a thleng?
Pathian in famkim le netabik ih a thuphuan mi cu palai le ṭongkam ih a cangtu Jesuh ah a kim ṭheh a si. Pawlpi ih zumnak cu nuam tein caan reipi sung a karhzai rero. Fapa Jesuh cu leitlun ah thlah a si ih Thiang Thlarau ih laksawng sungah Pathian ih Thuphuan cu a famkim.
5. Bulpak thuphuan ih man le ṭhatnak cu ziang a si?
Bulpak thuphuan in Jesuh in naih ter thei a si ah cun ṭhathnemnak a nei. Bulpak thuphuan pawl in ziangtik hmanah thuphuan famkim, Jesuh, an lan thei dah lo. Pawlpi ih thu zirh theinak huham in thuṭhen theinak a nei.
