Zumnak parah a hnget mi zumnak tetti ah Tuluk Catholic zumtu pawl cu Tuluk ram Hubei ramthen le Shanxi ramthen ah Biakinn thar pahnih onnak caanserh hmang.
A thlengaw rero mi thuanthu ih sin a nasa zet mi Tuluk ram ah Tuluk Catholic zumtu pawl an karh thu le a hngetkhoh mi zumnak ih hminsinnak ah Biakinn thar pahnih on a si.
Christ the King Church Fides News Agency ih simnakah May 10 ni ah Hankou/ wuhan ih Bishop Francis Cui Qingqi, OFM cu Hubei ramthen Xiaogen ih um mi Jesuh Siangpahrang biakinn thar cu Missa raithawinak thawn thlawsuah pe in a rak ong.
Biakinn thar onnak ah hotu Bishop pakhat le a mah thawn Missa raithawinakah Puithiam 32 le zumtu mipum 1000 hrawng in an tel pi thei. Biakinn pi cu minung 500 hrawng a tlem mi Biakinn pakhat a si. Biakinn pi ti sawhkhih in thlawsuah ngahnak hmun, thlacamnak hmun a si tiah Bishop cun a rak sim.
Tuluk ram ih Bawinu Maria ( Our Lady of China) cui hmun ah Shanxi ramthen Taiyuan archdiocese ih Guzhai Parish ah May 13 hlanah Chiana (Tuluk) ram ih Bawinu tin tumtah in sak mi Biakinn pi thar cu Bishop Paul Meng Ningyou in Missa raithawinak le thlasuah peknak a rak nei a si.
Bishop in hmun hnget lo in hna a tuantu pawl umnak hmun a si ruangah hi hmun ih umtu pawl thawn lungrual ten an um tlang theinak parah a lom thu le Kawhhran zumtu pawl cu Pawlpi thathawhnak tiah a sunloih ih Pawlpi ih hnatuannak ah thatho zetin an telnak parah a uanawk thu a rak sim. Khrih ih lam hruainak, Bawinu Maria ih thlacamsaknak in zumtu dinhmun in tettikhan tu an tam sinsin theinak dingah thla an rak cam. Hi mi thuthang cu Vatican thuthang in kan don mi a si.
