(2) Nunphung thawn a pehpar aw mi kiangkap

146. Hmun ram nei tu miphun pawlkom le an mah ih nunphung umdan pawl kha upat nak a tul thu kha an thei cio. An mah kha mimal sawn pawlkom tin nemhngat a ngah lo. Anmah pawl cu an umtlan nak hmun ah an tumtah mi pawl kha cang suah thei dingih zuamnak ah a thupi bikih run aw in reltlang ding mi minung pawl an si.

          An mai hrangah leilung cu minung pawl ih hman mi thilri men si lo in Pathian hnenih ngah mi laksawng le pipu pawl hnenih ngah mi laksawng a siih mai pawlkom dang te um nak le a man hlatzia kha kilhim in minung khat le khat kom aw ih pehpar aw nak ding a thianghlim mi hmun a si.

          Hmunram neitu minung pawl cu hmun ram pakhat parih an tlan len tikah cui ram kha tha zetin an kilkhawi. Leitlunih hmun tampi ah cui ramih kiangkap le nunphung umdan kha ziang hman rel lo in an um ih, lo tuahnak le lungman khung laih nak hrangah an hmang ding. Minung pawl ih kut sungah leilung kha an ap ih an mai suahnak khua le ram kha tlansan dingah hringhro nak pawl an tong.