Pumpekawk nakih nunramah nungthei dingin Pathian hnatuan dingih hrilnak ngahnak ding hrang thlacam dingah Pope Leo XIV nak in forhfial.
***************
Pumpekawk nak nunram ah Nungdam thei dingin “thlacam uh si” tin Tuukhal tha Zarhpi ni Angelus thlacam nakah Pope Leo XIV in sim nak a nei.
Angelus thlacam hlanah pakhat le pakhat rianawknak nunram ih um nak in duhdawtnak le thudik thawn nunnakah feh tlang thei dingin, Puithiam nunram, thukam pathum latu pawl (Brother, Sister le Puithiam) pawl nunramah kawhnak a thanso theinak ding thlacam dingah Pope in sawm nak a rak nei.
Angelus thlacam hlanah Vatican tualrawnah a ra pumkhawm tu Pathian thu zawhtu pawl, khualtlawngtu, Khawmzawhtu, minung Ting Tawng lenglo cu Pope in lungawi sopar ten a rak hmuak hai.
Pope nunram ah Rome khuapi ih Bishop dinhmun in a hmaisabik Zarhpi ni Biakkhawmnak, Tuukhaltha Zarhpi ni ah Pope in Gospel thuthangtha sungta hrambun in hi tin a sim “Bawipa Jesuh cu a mah le mah kha a tha mi Tuukhal tha tin a ti aw. A tuu pawl a thei. A duhdawt hai ih an mai hrangah a nunnak a petu a si. Hih thil cu kan hrangah Pathian ih pek mi thluasuah laksawng asi.
Tuini cu leitlun Pathian hnatuannak ih kawhnak ngahnak hrangah thlacam saknak ding ni a si vek in, hminthang mi hla, Awn mawi phunkim pawlkom ih Jubille kum, Pathian biak nak netabik ni khal a si ruangah cumi pawlkom pawl kha Pope in lungawi sopar ten a rak hmuak hai.
A hleice in Puithiam nunram, Thukam Pathum a latu Puithiam nunram, Brother, Sister , Siangbawi pawl nunramah Pathian ih fale pawl thawn thlacam tlang nak parah a lungawi thu Pope in a lang ter ih Khawhhran pi cu hi nunram ah pumpe in riantuan tu ding a tul zia, Pathian thawn kan kiangkap unau pawl kha siangzet ih a pe aw tu ding zohthimtlak minung pawl cu an mai pawlkom sungin thazaang peknak, thungai nak, cohlang thiamnak ngah thei dingin kan ni zate khal in an mai Pathiam ih kawh nak nunram ah bawm cio dingin Pope in forhfial nak a rak nei.
Pope Francis ih leitlun Pathian hnatuantu ding ih kawhnak ngahnak hrangah, thlacam nak ti mi hrambun in Pathian hnen in bawm nak kan dil vekin pakhat le khat rianawk nakin duhdawt nak le thudik thuhman ah bangran ten bawm aw ton ih kan feh thei ding thu le mitin in mino pawl kha cohlang thiam dingah Pope Leo XIV in thapek in a rak sim.
A netabik nakah Pope in Bawi Jesuh ih kawhnak le Pawlpi ih sawm nak pawl kha tih lo in a hleice in mino pawl kha tha pe in a rak sawm.Hi mi cu Tuukhal tha Zarhpi ni May 13, 2025 ni ih Pope Leo XIV nak a sim mi Thuthangtha a si.
