May thla hrang Pope Leo XIV ih Biakkhawmnak caan hman daan ding Vatican in suah. (May 12, 2025)
***********
The Holy See Press Office in May thla hrang Pope ih Biakkhawmnak caan hman ding daan pawl St. Peter’s Square tualrawn ih May 18 ni Zarhpi sun ih amai Petrine Ministry Missa raithawinak tel in an lang ter.
Vatican in May thlasung Pope Leo XIV ih biaknak lam caan hman daan ding pawl kha an rak lang ter.
Tui thla cu Bawinu Maria hnen ap mi thla a si vekin Rome ih Papal Basilica ah feh in caan hmannak a nei ding. Ahmaisa bik ah May 18 ni Thosal kar 5 nak zarhpi ni zing 10:00 am ah Pope Leo XIV in St. Peter taulrawnah hoha in Missa raithawinak a tuah ding.
May 20 Thlawngkai 2 niah Pope in St. Paul ih thlan ah a feh dingih cui hmun ih um mi St. Paul Basilica Baikinn pi ah Missa raithawinak caanserh a hman ding.
May 25 Zarhpi sun zaanlam 5 pm ah Archbasilica a si mi St. John Lateran ah Pope in Missa raithawinak caanserh a hmang ding a si.
Zanlam 7 pm ah Pope in St.Mary Major Basilica ah a leng dingih cui hmun ih um mi Salus Populi Romani Bawinu Maria hnen upat peknak a nei ding. A veihnih a colhnak hmun cu Marian Basilica ah a si dingih Zarhte ni zaanlam ah rei deuh in a cawl dingih Rome ih Augustinian pawl ih kum zabi rei mi Bawinu Maria zuk hmai ah thlacamnak a neih hnuah Pope Francis thlan ah thlacamnak khal a nei ding a si.
Netabik Zarhte sun May 31 ah Bawinu Maria in Elizabeth hnen ih a lennak puai ni ah Pope Leo XIV in zing nazi 10 am tikcu caan ah St.Peter Basilica tual rawnpi ah Puithiam cannak Missa raithawinak khal hoha in a tuah ding a si. Hi mi thuthang cu Vatican thuthang in a tawi zawng le a rem zawng ih kan ngan mi a si. Ca siar zate parah lungawinak tampi kan nei.
