267 nak Pope Leo XIV nak ih thuanthu tawi.
*************
Kum 69 a si mi Pope Leo XIV cu St.Augustine ih thlun daan vekin a umtu Yatih Pawlkom Robert Francis Prevost cu St. Augustine pawlkom sungah Pope a tuan hmaisa biktu a si ih America saklam in a si. Pope Francis theh in a veihnihnak America continent sungin Pope tuan tu a si. A mah cu Augustine pawlkom ih hotu dinhmun in veihnih pehbet ih hrilnak a rak ngah ih Peru ah missionary dinhmun in kumtam pi a rak tuan tu a si.
A hmaisabik St.Augustine pawlkom sungtel ih Pope.
Rome khuapi ih Bishop thar in Sep 14, 1955 kum ah Chicago, Illinoi ah France le Italy mi Louis Marius prevost le Sapain miphun Mildred Martinez tei sungin a suak ih a u nau a si mi Louis Martin le John Joseph a nei. A mai nauhak lai le a tleirawl lai ah cun an innsang thawn tikcu a rak hmang. Neta ah cun St. Augustine pawlkom Puithiam pawlih hoha mi Seminary tlawng ah a rak lut ih 1977 ah Pennsylvania ih Villanova University ah Math ( tinchia) in degree buaih a rak ngah ih philosophy khal a rak zir.
Cui kum September thla ni khat ah Prevost cu Chicago ramthen sungih St. Loui thlawgah St.Augustine (O.S.A) ah a rak thleng ih 1978 September 2 ah Pawlkom sungtel dinhmun in a hmaisabik thukham a rak la hnuah kumkhua hrang thukamnak khal cu 1981 August 29 ni ah a rak cohlang.
Neta ih Pope tuantu ding cu Philosophy fimnak kha Chicago ih Catholic theological Union ah a rak zir. A kum 27 ah pontifical university of St. Thomas Aquina (Angelicum) ah biaknak lam daanthu pawl zir dingah a mai upa lam tuanvo neitu in Rome khuapi ah a rak thlah ih 1982 kum June 19 ah Rome khuapi ih St.Monica College ah Archbishop Jean Jadot ih kut in Puithiam sinak a rak ngah. Cuihnuah Pope zungih biaknak lam thawn pehpar mi thurel tlangnak lam ah upa dinhmun in an rak pek. Amah cu 1984 kumah fimnak lamah a sang mi licensiate degree buaih a rak ngah,
Pehbet in a mai Doctor buaih hrangih ca pawl a tuah laiah an mai pawlkom ah Missionary dinhmun in Peru ram ah 1985-1986 tiang rian a rak tuan. 1987 kum ah “the role of the local prior in the order of St. Augustine thuluu thawn Doctor buah a rak ngah. Amah cu Olympia fields Illinois (USA) ih Mother of Good Counsel Augustine pawlkom dinhmun in rawngbawlnak lam ah upa le Pathian hnatuannak khawhnak ngahnak lamah hotu ah an rak pek.
Peru ih a riantuan nak
Cuihnu kum hnih ah Peru ram ih Trujillo hmun ih St. Augustine Pawlkom ih riantuannak Apurimac, Iquitos, Chulucanas hmun ih Pawlkom sungih a um mi, tuan tlangmi project ih hoha tu dinhmun in tuanvo a rak lak.
Pawlkom ih upa tuannak 1988- 1998
Zirhtu formator dinhmun in 1988-1998 tiang
Thukam la zotu pawl zirhtu dinhmun in 1992-1998 tiang
Trujillo diocese ah judicial vicar dinhmun in 1989-1998 tiang a rak tuan.
San Carlos y San Marcelo ih Puithiam University ah canon law, patristics and meretiology ah zirhtu, cu miah st. Rica ah Parish Priest dinhmun in le Our Lady of Montserrat ah tawlreltu dinhmun in 1992-1999 tiang a rak tuan.
1999 ah Chicago ih Mother of Good Counsel Augustine pawl ih riantuannak ah uktu dinhmun in pek asi ih kum hnih le hrek a rei hnuah an mai pawlkom zate ih upa dinhmun in hrilnak a rak ngah ih 2007 khal ah a veihnihnak hrilnak a rak ngah bet.
2013, October ah Pawlkom zohtu dinhmun in tuanvo a lak lai ah 2014 kum November 3 ni ah Sugar hmun hrangah Titular Bishop dinhmun ih siseh, Peru ih Chiclayo Diocese hrangah Pope aihawh tu dinhmun in tuanvo an rak pek.
December 12 Guadalope Bawinu Maria puai ni ah St.Mary Cathedral Biakinn pi ah Pope aiawhtu James Patrick Green in Bishop dinhmun ah a rak khaisang. Peru ram Chiclayo Diocese ih Bishop in 2015-2023 tiang a rak tuanih 2023 January 30 ah Pope Francis in Rome ah a ko ih Latin Americah ih Pope zung thawn pehpar mi upa sinak le Bishop pawlkom ih hotu dinhmunah tuanvo a rak pe.
Cui kum September 30 niah Cardinal dinhmun in Pope Francis in a rak khaisang a si. Cardinal pawl in Cardinal Robert Francis Prevost cu 267 nak Pope Leo XIV dinhmun in May 10, 2025 in rak hril a si. Kan website, Youtube channel, page , Facebook, Instragam le Twitter ah tha in pe cio dingah zaangfah kan lo dil. Nan zate parah lungawinak kan nei.
