1.Biaktheng (Altar)

          St.Ambrose an suh tikah Hi tin a sawn sal “Biaktheng cu Bawipa Jesuh ih ruangpum kha a sawhkhih ih Bawipa Jesuh ih taksa cu Biaktheng par ah a um tin asim”. (1383)

          Biaktheng “Netabik zaanriah ei nak puai kha Bawipa Jesuh ih tuah dah mi Biaktheng cu Calvary tlang par ih a thih nak ih hminsin nak asi.

          Biaktheng timi cu Bawi Jesuh ih netabik zanriah ei nak puai le raithawi nak hmun asi ih Pathian le minung tonawk nak hmun, cu mi cu Pathian a um ti lang ter nak ih a hmat a si.

          Hi Biaktheng ah rualrem sal nak tuah nak cu Pathian ih huham cak hmai ah le Vancungram ih a um mi thluasuah pawl thawn a khat ter.

          Thukam thar ih Biaktheng cu thawhsal thuthuk danglam zet mi ihsin a rung um mi Khirh ih thinglamtah a si.

          A tawi zawng cun netabik zaan riah ei nak puai cu Biaktheng a si.  Cu mi kha Thuphuan sungah Vancung “Biaktheng” kha a langter asi.

          Hmunthianghlim ih a thupi bik mi cu Biaktheng asi.

          Ziangruangahtile cu thukamhlun lai rak tuah dah mi raithawi nak vekin Pawlpi khal Thinglamtah par ih Bawipa Jesuh raithawi awk nak kha peh zom in tuah nak asi.

          Biaktheng pakhat cu a tamsawn in Pathian hnen ah mah le mah kha famkim zet ih ap awk duh nak kha a aiawh.

          Khai Biaktheng kha a ra lai ding mi tesin fale pawl Pathian ih thil ti thei nak huham cak pawl kha man sal nak ding ih bawm tu ding thil pakhat asi.

          Biaktheng timi cu Bawipa Jesuh netabik zaanriah ei puai ih a hman mi puai kha a sawhkhih. Bawipa Jesuh ih hlanawknak le thukam thar pawl kha a thar in tuah salnak hmun silole  Bawipa Jesuh cu Thinglamtah par ih a nun nak a hlan nak Calvary tlang ih a um dan pawl kha a sawhkhih ih duh san a nei.

          A cemnakah Biaktheng par ih raithawi nak cu a thupi bik mi asi.  Biaknak zaten ih hrampi khal asi. Cu hlei ah Christian pawl ih Biaktheng cu Bawipa Jesuh a mah rori ih si nak asi.