Mithianghlim Stanislaus (April-11)

          Krakaw khuapi ih Bishop a si mi Mithianghlim Stanislaus cu kum 1030 ah Poland ram Sezepanow khuapi ah a rak suak. Bawi Jesuh hnenih a rak ap tu a nu le pa an thih hnu ah a neih mi hmuahhmuah a zuar theh ih mifarah pawl a pek ih Pathian thawn pehpar mi ca zir a rak thok .

          Ca a zir theh hnu ah monsignor Lampert ih kutsung in Puithiam sinak a rak ngah. Kum 1072 ah cui monsignor ih ai a run awh. Kum tinten a Diocese pawl ah a rak feh ih  Puithiam pawl le Pawlpi pawl hnenah thlarau thakhoh nak thar pawl a rak keng.

          A tlawng ah mifarah pawl nitin ten an khat ringring. Nuhmei pawl le miharsa pawl ih hmin ca zin a hminsin ih tha ten a hlu le thilri pawl a rak pek.

          Cui caan ah Poland ram ih a pahnih nak Siangpahrang Boleslaus in a rak uk. Cui Siangpahrang Phiri’s nak pawl bal dingah innsang nu pakhat a rak kidnap.

          Mithianghlim Stanislaus in Siangpahrang hnenah hi vek ih Pathian duh lo mi na tuah tiin nasa zet ih a mawhthluk hnu ah Siangpahrang Bawipa cu a thinheng ih ral rinnak a pek hnu ah a mah thawn tonawk nak cu a cawl.

          Bishop in hi vek ih mi lungruh hrangah Pawlpi in hremnak pek ding lo cu a dang hril ding a um lo. Curuangah Siangpahrang Bawipa cu Krakaw khuapi ih Bishop tlawngah a feh ih Bishop ih thupek ruangah Pathian Biaknak a cawlh kha theih a si.

          Siangpahrang cu nasa zet in a thinheng Mithianghlimcu  khuapi leng ih um St. Micheal Biakinn ah an kaih ih Missa raithawinak a tuah lai ah an rak that.

          Cui hnu ah Siangpahrang kiltu pawl in a ruak cu then tampi ah an tan ih sahrang pawl ih ei mi bang dingih an theh.

          Mithianghlim Stanislaus cu kum 1097 ah a nunnak a cem ih a ro cu Krakaw khuapi ih Bishop ih inn ah an rak ret.