Mithianghlim Martin I, Pope April – 13

 Netabik martyr Pope mithianghlim Martin cu Italy ram Todi ram mi a si. Fimthiam nak a zir nak le thianfai nak pawl lak ih mi hminthang a rak si ih kum 649 ah Pope ah an rak hril.

Cui kum ah Lateran ah Bawi Jesuh ih Pathian si nak le minung si nak a pahnih in a dodal tu ruah nak kham dingah zum nak lam ho tu pawl thu rel khawm an sawm. Pope in cui thu rel khawm nak puai ah Bawi Jesuh in Pathian si nak le minung si nak tin a pahnih in a neih thu cu a nemhnget ih Bawi Jesuh in si nak pahnih a nei ti in a pom lo tu pawl cu pawlpi in an rak dawi.

        Cui ruah nak a rak lungkim vetu nisuah nak lam ih a pahnih nak ramuk tu Siangpagrang Constant in cui thu hla a theih tik ah a thinheng ih Pope kai dingah thu a pek. Mithianghlim Martin cu Constantinople ah an hruai ih ram a zuar thlai nak ruangah daan an kalh ih Crimea Kansan ah ram dawi a rak tuar a si. Mithianghlim Martin in “ Kei cu ni 47 sung ti hlum ti hlah tidai thawn hman thianfai awk nak caan ka nei lo.

Ka rualpi pawl le ka sungkhat pawl in in hngilh thluh zo. Asinan, Bawi Jesuh in i kilkhawi ding. Pathian in hi vek ih ka tuar nak hi netabik caan ah cun i hruai dingah a khulfung lo ding” tiah a rak ngan.

          Mithianghlim Martin cu AD 656 kum ah Khasan khuapi ah a nun nak a rak cem. Mithianghlim Martin cu martyr tin upat mi a netabik Pope a si.