Tidai a khat lo mi bel

Tidai khat mi bel kan cawi lole kan phurh tikah ziangtin a um?

          Leitlun ah tidai a khat lo mi bel cu phurh lole cawi tikah tidai a hnin theu.

          Mi hrek cun mah le mah kha ka thiam bik tin an ruah ih khatlam mi kha an hmuhsuam thei theu.

          Mah ai in a thiam hleice tu pawl tampi an um ti mi kha thei ding a tul.

          Hrekkhat cun mah le mah kha ka lian bik tin an ruah ih khatlam mi kha an zoh niam theu.

          Mah ai in a lian tu pawl an tampi ti mi kha theih ding a tul.

          Mi hrek cun mah le mah kha ka famkim bik tin an nemhnget aw ih khatlam mi kha zianghman ah siar lo in an um.

          Mah aiin nei nung le kim tu pawl tampi an um ti mi kha thei a tul.

          Nunram ah mitin cu an mai tawk zawn in thiam nak an nei cio.

          Mah ih neih lo mi si nak pawl a mah hnenih a um thei vekin a neih lo mi si nak pawl khal ka hnenah a um thei.

          Zianghman a hmun lo mi leitlunah nunram kha a hmun tin ruah a theih lo.

          Hlawhtlin nak le sunnak ti mi cu pia sen an leh vekin lu le pangpar cu naiaw te ih a um ruangah zo hman a niam le a sang thleidang lo ding a tha.

          Leitlun ah bel sungih tidai khat lo mi cu a sep ih cawi le phurh tikah a har zet.  Cuvekin kan fimnak a  mal ih kan hmuhnak a mal tikah midang parah kan mai famkim lo nak thei ban lo in kan va mawh phurh theu.