Bawipa thisa sanghlan ih timtuah awk ding mi pawl.
(1)Mass ih a thuk zet mi upat nak thawn biak nak cu a hmaisa bik
le a thupi bik mi asi.
(2)Mass cu vancung mi le lei mi pawl ton awk nak puai hmun asi.
(3)Curuangah thianfai ten thuam awk nak in puai kha hmang thei
ding in timtuah a tul.
(4)Kum 1957 kim hlan ah a thianghlim mi Bawipa thisa saan ding
le kha zaan ihsin rawl ei lo ih sup ding in Catholic Kawhhranpi a rak dil.
(5)Tui vek san ahcun Bawipa Thi Sa sang hlan ah a mal bik nazi
pakhat harwng rawlul ding a tul.
(6)A dam lo tu pawl cu hi rawl ul nak ih sin an luat.
(7)Kan nih pawl cu Bawipa thisa kan san hlan ah kan thinlung
ruah nak pawl kha chek fel sal in kan sual nak ihsin kan thian le thianlo
kha mah le mah sut awk sal ding asi.
(8)Bawipa ThiSa sang nak cu mangbangza thluasuah pawl kan co
asi.
(9)Sacrament pawl cu a hrek pawl cu dingfel nak thluasuah pawl in
co ter in a hrek cu cui thluasuah pawl kha a thanso ter asi ahcun Bawipa
thisa sang nak cu cui dingfel nak thluasuah ih Bawi kha kan co ngah asi.
(10) A sinan cuvek that nak pawl kha co ngah ding in khai
Sacrament kha thaten sang ding a tul.
(11) Bawipa Thisa sacrament cu a nung tu pawl ih sacrament
pakhat asi ruangah cu mi co ngah ding in dingfel nak thluasuah ah um a
tul.
(12) Mi pakhatkhat cu sualpi nei cing in Missa a sang le Bawi
Jesuh kha ziangsiar lo in a um ruangah tih a nung zet mi sual nak ah a
thleng lala asi.

(13) Kan mah pawl cu Missa kan sang hlanah sual nak pawl kha
kan ruat ta ih sualpi pakhat a um sile Missa sang lo in khai sualpi kha
hmasia deuh ah sualthlah nak sacrament in kan thian ter a tul.
(14) Sualpi kan neih lo sile Missa sang thei nak caantha kan nei ko
nan a sunglawi nak co ngah ding in kan neih mi sualte pawl hrangah
sualsir nak thlacam nak thawn kan thinlung kha kan nun ter sal a tul.
(15) Cu mi cu a thianghlim mi tumtah nak thawn Missa kan sang
nak asi.
Hminsin ding mi (1)

Bawi Khrih kan sang hlanah kan thinlung Thlarau pawl kha a

thianhlim ti theifiang ding in mah le mah kan chek fel awk a tul.
Theihtul mi (2)

“Cuti a si ruangah zozo khal Bawipa ih hmin siatnak dingah
zoh mawi lo in Bawipa ih sang a ei ih a hai a intu cu Bawipa ih taksa le
thisen parah sualnak a tuah asi. Curuangah zokhal hi sang a ei hlan le hi
hai a in hlanah a mah le mah cek awta seh.” 1Cor 11:27-28. Kan
thinlungah sual nak a um sile Missa kan sang thei lo.