Ziangtluk tha dingin na zuam hman ah kut zung khihtu ding an um.

Minung kan si cun a lo duhtu an umvekin, lo huatu khal an um ding. A lo hnahsiktu an umvekin a lo nautat tu khal an um ding. Hi vek cu leitlun ih thil cang theu mi daan a si. Na nunramah ziang tluk na that ih ziangtluk in tlawmngai in zuam rerotu na si khal le mitin ih duh le ngaisan ding ah cun na tuah thei lo ding. Curuangah mi duhnak tuah dingah na sinak ih man nei zia kha va hmang pang hlah.

Na ruahnak, na lungput kha felfai ten tuah a tul. Kan thei dingah midang hmurka ah nang cu na that khal le that lo khal le nangmah diktak na si lo.

Minung ti mi ah,

 Mit cu kan bang aw ko ding nan hmuh daan a bang aw lo. Hna kua a bang aw ko ding nan, thei daan a bang awlo. Thluak um daan a bang aw ko ding nan ruah daan an bang aw thei lo. Minung si nak cu a bang aw ko ding nan nun tu zia, um daan a bang aw lo.

Curuangah ziang tlukin thiam le sangin thei hman seh, thei thiam saktu ton lawngah, ziangtluk in na pe aw in tuan hman aw la lungawi thu sim thiamtu thawn na ton lo ah cun, ziangtlukin na tlaitluan hmanah ruahnak luar lo tu pawl thawn na ton lawngah, ziangtlukin na tang dor hmanah thil hi man nei zetih a ngai sangtu pawl thawn ton awk lawngah cohlannak ngah a si theu.

Netabik ah cun thei mi khal a zaten sim hlah, na hmuh mi poh va zum hlah, nangmah lam ih ziang tlukin ka lo duhdawt na ti hman ah mai hrangih nun tu zia khal thiam le thei a tul.