Missa Raithawi nak

(1)Bawi Jesuh cu raithawi nak kha Calvary thlang par ah voikhat a
tuah asi.
(2)Cu asi ruangah Bawi Jesuh cu khai thil kha hmuntin ah Pulpit ih
alter biaktheng parah peh zulh ih tuah ding in a duh asi.
(3)Cui raithawi nak cu Missa sum nak tin an ko.
(4)Bawi Jesuh cu Puithiam kut in biak theng parah hmuk le sabitti
ih an theng awk nak tangah a thisen le a taksa kha Pathian hnen a sum
awk nak Missa tin an ko.
(5)Ngaingai ahcun minung pawl ih sual nak kha cawhkuan ding in
le minung pawl kha a run nak ding ah BawiJesuh a mah rori raithawi
nak ah Missa sum nak kha Calvary tlang parah Bawi Jesuh in a mah le
mah kha Pa Pathian hnenah a sum awk nak thawn an bang aw asi.
(6)Thinglamtah par ih a sumawk nak ah Bawi Jesuh cu a mai thi
kha a luang ter ih a mah le mah kha Pa Pathian hnen ah diret in a ap awk
nak asi.
(7)Puipit parih raithawi nak cu Bawi Jesuh thisen luan nak tel loin
hmuk le sabitti theng awk nak tangah mah le mahkha Pa Pathian hnen
Puithiam kut in tuah mi kha asi.
(8)Bawi Jesuh a nunnak a ap awk hlanah a mah le mah kha a Pa
hnen ah a ap awk ta vek in Puipit khal ah Puithiam hmang in a mah le
mah Pathian hnen a sum awk lala asi.