Leiba

Paisa thawn pehpar in rinum aw. Mipakhat hnenin fangkhat na lak

a si le pakhat pe sal aw.

Neih hrih lo a sile nei dingin tuah aw. Pek thei hrih lo a si le pek

thei dingin tuah aw.

Tampi la ih a zaten na kuan thei lo a si khal le malteten thek awla

kuan aw.

Mai lak mi pek ding caan a kim a sile ngaithiam dil tul lo in pe

aw. Remcang lo ti mi pakhat lawng, a remcang lo nak thuhla kha tu le tu

sim ngah pang hlah.

Ziangah hitin ka ttong ti mi cu san a nei. A ti can khal a nei zet.

Mai lak mi paisa cu mipakhat dinhmun in a mai zuam nak thawn a

ngah mi a si. A mah ih thazang, ruahnak thawn harzet in a hawl ih a ngah mi

a si.

Nang mi pakhat hnen ih na lak mi paisa cu thlanhri put ih a

hawl mi tla a si thei.

It lo in simtiang a hawl mi khal a cang thei. A mai that nak hrangah

hmang ngam lo in zum nak thawn keimah in rak pek nak a si.

Cui zumnak cu ziangtikhman ah ol ten siatral ter pang hlah.

Paisa kan cawi mi pa cu a lian ruangah, a remcang ruangah pek sal

lo ih um cu a ngah lo. A lian nak cu a zuamnak thawn a mai lam thu, ka

lak mi cu keimai lam thu a si.

A nei tu in dil hrih lo ruangah ka pe hrih lo tin um hlah. Mah in

neih a sile pek sal aw. Tui nunram in leiba cu neta nun ram …………….

Paisa par ah rinum ding a tul. Paisa par ih rinum lawngah paisa

khal in mah parah a rinum ding a si.

Mi paisa peksal duh nak thinlung na neih nawn lo ni ihsi thokin

ziangziang na tuah khal le a remcang nawn lo ti mi kha thei aw.

Mi pakhat ih paisa, thilri kha cawi in a sam sal lo tu cu tui nunram

 ah siseh, a ralai ding mi nunram pawl tiangin ………………na farah ding a si.