Harhdamnak lam ruangah tuizarh sung biaknak lam caanserh ah Pope Francis tel thei lo ding.

***********

Thawthawtnak lam thawn pehpar ih damlonak ruangah Siizungah ni nganak tuam hlawm a si zo ih Pope Francis cu tui zarh sung biaknak lam caanserh pawl ah a tel thei lo ding tiah Vatican zungin sim thannak a rak nei.

Kum 88 a si zo mi Pope Francis cu a thawthawtnak lamah natnak a tuar ih tu cun zarhkhat a kim thlangih kan dungzarh ni nga ni ah Rome khuapi ih Gemelli Siizungah tuamhlawm rero a si.

Pope in Zarhte ni mipi a tonnak can serh khal a hmang thei lo ding tin Vatican Press Office in a rak than.

Zarhpi sun caanserh pawl khal Pope ai ah Vaticanih tuanvo neitu pawl in hoha in an tuah ding tiah an sim.

Kan Pope harhdamnak hrang thlacam sak uh si.