Innsungsang reiawh dingah hi thu pawl hrial aw
- Mi hmai a si ti khal ruah lo in innsang nu/pa kha mawhthluk,
Nupa ti mi cu Lei le Ha vek a si. Innsaang dinnak a rei cun remawk lo nak pawl cu a um thei theu.
Mi hmai a si ti khal ruah lo in khatlam mi kha mawhthluk sual puh a sile tawhawk nak lawng a cang ding.
Cutiih tawhawk nak cu buaibai nak kha remaw dingah tawlrel a theih lo ih hleiah meisa sungah datsi toih thawn a bang aw.
Netabik ah cun zohman in sunnak pek theih lo mi dinhmun thlen a theih ih a har thlang.
Curuangah nu pa ih theih dingmi cu zo hmai khal ah innsang nu/pa kha mawhthluk ngah pang mi kha hrial aw.
Kut zaphak pakhat lawngin ziangtikhman ah zabeng a theih lo.
- Fa le pawl hmaiih tawh awk nak.
Nu le pa ti mi cu fa le pawl ih rinsan tak a si vekin beu nak khal a si.
Nupa pahnih buainak pakhat khat an neih le fale pawl hmaiah hrial uh.
Nupa tawhawk ti mi cu mi upa pahnih ih thuhla a si.
Nupa an tawhawk kha fale in an hmuh a si le fale pawl ih thinlung muril kha a siat thei vekin an hmailam innsaang parih an nei mi lungput kha a siatsuah thei.
A ngaingai ih fa le pawl cu innih hnangam nak te kha an thei ngah lo a sile a ra laidingmi tesinfa pakhat pum kha a siatsuah thi.
- Innsang nu/pa a dam lo caan ih tawhawknak
Innsang nu/pa pakhatkhat cu a dam lo tikah a thin a nau ih a thinheng ol theu.
Cuicaan ih tawhawk ngah a sile innsungsang kha a siatsuah thei.
- Hriamhma hlun phorh sal nak.
Tawhawk tinten hriamhma hlun kha phorh sal ti vek kha hrial ding hrimhrim a si.
A sual lo mi thuthen tu ( lawyer) a thi dah lo mi si bawi an um dah lo vekin mi tinkim ah pakhat si lole pakhat cu an palh theu.
Hriamhma hlun kha kutkaih funghreu vekin tuletu hmannak cu a cui innsungsang remawk sal dingcu a har zet.
- Innsang nu/pa ih nulepa le a sungkua pawl kha siatsuah theiding mi tongkam pawl,
El awk ti mi cu pakhatkhat parih lungrual theih lo ruangah a si.
Innsang nu/pa ih nulepa le a sungkua kha tihrim ih tongnak pawl, siatsuah thei mi tonkam pawl kha hrial ding a si.
- Thilri hlon theu nak ziaza,
Tawhawk tikah a thok ihsin aw a ring cia, thilri hlon mi awn, cabuai cum mi awn, thilri tla ih a kuai mi awn pawl thawn a rawi awk a si le buainak tumpi a cang sinsin thei.
Duhdawt ruangah neih awk mi a sisi.
Thilri hlon ih a kuai a sile thinlung a tla kuai thawn a bang aw thei.
- Thinnat tertu tongkam pawl,
Thinheng dingin tuah a theih. Thinnaa ding in tuah hlah uh.
Thin a naat ter thei mi tongkam pawl kha hrial ding hrimhrim a si.
Nangmah kan lo rinsan a si le kutdawh lawng kan cang ding.
Mi dang Pa pawl kha zoh hnik aw. Paisa hawl ziangtluk an thiam? Nang thawn fangkhat te hman an bang aw lo ti mi tongkam pawl tong ding a si lo.
- Thihnak thawn hringhro nak,
Ka nun man teh ziangsaw a tha hnem?
Ka nung duh nawn lo. Ka thi ding ti vek, thih nak thawn hringhro nak pawl khal hrial hrimhrim ding a si.
- Kut thlak nak,
Ziangtluk ih thinheng a si khal le mai kut kha uk thei a tul a si.
Veikhat te thawi ngah a sile duhdawt nak a zaten a hlo thei.
A leng lamih hriamhman cu dam ter ding a ol vekin thinlung sungih hriamhma kha hloh ter ding a ol ve lo.
- Kan then awk ding ti mi tongkam ol ten tong nak
Zozo khal thinheng caan ah can tawk can ti mi thinlung a lut ngah theu.
Kan then aw ding ti mi tongkam cu tih a nung zet mi a si.
Neta bik ih ka sim duh mi cu tawkawk lo kha a tha bik.
Duhnak ti mi cu innsungsang kum a rei cun duhawknak pawl, pakhat le pakhat ngaisak awknak pawl nuamteten a hlo vivo ko nan pakhat le pakhat ih man neih zia kha a duh san thu kan run tar lang a si.
Credit:
