A lak ih ngah mi ral ring aw.
A lak ih ngah mi ei theu tu pawl thawn pehpar in theih tul zet mi thuanthu thawn zirnak pakhat a si.
Veikhat laiah mipa pakhat in ramsa zuatnak hmuan a rak tuah ih cu mi ah zoh a duhtu pawl hrangah luh man dollar 300 a rak dil. A sinan zohman in cu tawkah an feh ngam lo. Dollar 200 ah a thum sal. Cuihnu dollar fang 10 tiang a thum nan minung zohman an ra lo ih netabikah cun luh man tul lo in a lak in a lut ter hai. Cumi cu a lak ih luh a ngah ti an thei veten hmakhat te in mi pawl a khat in an ra lut. Khat lam zawngih kan ti a sile thlem an tuar ti sehla a sual lo. Minung pawl a sung an luh veten ramsa zuatnak hmuan pi cu a neitu pa in tawh a khap ih Kiosa pakhat a rak thlah. Cui sungih a luttu zaten suahnak ding um nawn lo in Kiosa ih rawl ih can ding tih ah mipakhat in dollar 500 a pek ih hmuan sangka pi cu a rak on sak.
Cawn ding mi
Khuitawk kan thlen khal le nunram ah man ol ih alak ih ngah mi thil lole man nei lo ih pek mi pawl kha ralrin a tul. Veikhat veihnih cu a lak ih ngah mi kha tih a nung zet theu. Ziangah tile leitlun ah ziangkhal a lak ti mi a um lo.
Cutlun ah mal ol zet in a lak ih ngah mi thuanthu hi cawngin khat le khat bum aw tu va si hlah uh si.
Asinan Pathian hnen in duhdawtnak a lak ih kan ngah mi thlasuah kha thei in man hla zetin kan ret a tul. Lei par kan um laiah kumkhua nunnak lamzin kha hawl in nung tlang uh si. cathianhlim John 14:6 ah Jesuh in kei cu lamzin ka si, thudik le nunnak khal ka si tiah a ti. Keimah lo in zokhal in Pa hnen an thleng thei lo ding tiah a ti a si.
A lakihngah mi kha ralring aw.
Ka rual….
#thanghasj
