Ruahnak neilo tu (Mi Aa ih) thuanthu.

          Khua pakhatah hminthang zettu thuruah thiam zet mi mifim pakhat aum. A nih cu a thiam tuk ruangah siangpahrang hman in a ko ih thu a ron theu.

          Nikhat ah khua bawipa cu a inn ih a ra leng phah ah hitin a ti. “Nang mah lawng Siangpahrangih thu ron mi na si, a fapa cu sui le ngun hman ziangmi man a nei deuh ti khal a thei lo. A aat dan a luar tuk” tin a ti.

          Neta ah cun nitinten cui tongkam cu khua bawi dang pawl hmaiah a sim ih an capoh rero ruangah thuruat thiam mifim pa cu thu a ruah ding thlang.

          Curuangah a fapa cu a sut. “Ka fa sui le ngun khuimi kha man a nei deuh” tin a sut.

          A fapa cun “Sui ka pa” tin a ti.

          Cusile ziangruangah nang cu ziangah khua upa kha ngun man a nei deuh tin na rak ti” tin a fapa in a sut.

          Hi tin si ka pa khua bawipa inn hmai ka feh tinten a nih in a inn ah in ko. Cutheh in a nih in a kut zaphak pakhat parah sui … le a dang kut zaphak ah ngun paisa fangkhat kha a re ih man a nei deuh mi kha lak aw tin in ti ih ngun pakhat kha ka la ih inn par in ka tum. Khuabawi le khua up pawl cu hahaha tin an hni ih an rung tang. Nitin sui le ngun man a nei deuh mi kha in hril terih hni suak nak an tuah” tin a pa cu a sim.

          “Suicu man a nei deuh tin thei cingin ziangruangah ngun paisa pawl lawng na hril” tin a sut.

          A fapa in “Ka khaan sung ah in rak thlun ta aw. Lo hmuh ding ka nei” tin a ti.

          A pa cu a fapai khaan sungah cu a thlun. A fapa in a itkhun hnuai ih thingkung pakht kha a kir ih a sin a on. Thinkung sungah ngun paisa fang zakhat lai a um. A fapa cu a pai lam a huai phah ah hitin a sim. “A ngaingai ah cun sui paisa kha ka hril a sile a hmaisa bik ni in a cem ding. Khua bawi in Sui paisa kha a thaisun ah ziangah in pek nawn ding” ti a ti.

          A ngaingai ih mi hrawkhrawl pawl cu “Mi aa” vekin an um aw ter. An nih cu “Mi aa” tin a ruat tu pawl kha bum ding a ol sinsin.

Credit: Bamaw Ting Phe