Zuamnak neih ding a tul.

          Harsat nak na ton caan ah zo hman zangfah dil hlah. Pahtlang thei ding zuam aw.

          Na thinnat caan ah zoi hmaihman ah “Na mit thilfor ter hlah. Minung pawl in an lo hnihsuak ding.

          Na tlak siat caan ah zo hnen hman ah na khuk bil hlah. An lo pal pang ding.

          Na hlawhtlin caan ah zo hman dinhmun sang zet vekin mi pehtlaih hlah. Ziang an lo siar lo ding.

          Na kai mi lilawn pawl kha hrekkhat in an lo kilsak ding. Hrekkhat in an lo dir thla ding. Hrekkhat pawl cun an lo tul ding.

          Zo zo khal in ziangti an lo ti a si khalle dingten ngam zetih kai thei ding cu na tuanvo.

          Na zuamcaan ah hrekkhat cun nautat nak mit thawn an lo zoh ding. Hrekkhat cun hnisan dingin an lo bia ding.

          Hrekkhat cun a cang thei lo mi tongkam pawl an lo sim ding.

          Cumipawl cu na thinnau ding a si lo tuar duh lo nak thinlung thawn na zuam ding.

          Na tha khawl aw. An mah pawl kha lungawi thu sim aw. A thupi bikcu na zuam laicaanah zo hman sualnak hmu in zohhlah. Zo hman an sual nak hmu hlah.

          An zate cu nangmah ih lungawi nak pawl an si an hnen in na hrangah zirnak pawl na ngah ding. Minung pawl ih mizia kha na theih tikah hleice in kainak tha na nei ding.

          A cang thei lo mi pawl na tuah thei ni nikhat cu an tlun ih na hni thei ni a si. Nuam teten nangcu na dung thlun tu an tam ding.

          Asinan zuam nak na neih ding cu a tul. Na tuar thei ding cu a tul. Caan kha man nei zetih na hman thiam a tul.

#crd