Pope in remdaihnak hrang nitin thlacam dingah zaangfah dil.
Pope in mipi a ton ni tlawngkai nithum ni ah remdaihnak hrang thlacam tlang dingah zaangfah a rak dil. Remdaihnak hrangah sualsirnak thawn cawhkuan pe aw in thlacam ding khal ah a rak forhfial.
Tlawngkai nithum ni a mai mipi a ton ni a cemnak ah Pope Francis in Italian Speaker pawl cibai a buk theh ah remdaihnak hrang thlacam dingah zaangfah a rak dil.
Pope Francis in ralbuainak ram zaten ka ruah a har theu. Ulenau pawl remdaihnak hrang thlacam uh si. kan zaten tuanvo la tlang uh si.
Kan ni cu thah dingih a suak mi kan si lo. A sinan minung pawl kha thangso dingin bawm dingah remdaihnak lampi kha hawl thei hram uh si.
Pope Francis in hi tawk ih a ra thlengtu zaten nitin thlacamnak ah remdaihnak hrang thlacam cio dingah a rak forhfial.
Cuihnuah hi tin a rak sim ramsungih ralbuainak an ton ihsin thok in hmuhsuam a tuartu Ukraine pawl tiah mipi pawl hnenah a rak langter. Ziangtitlukin harsatnak an tong ding tiah thupit in a rak sim.
Pope Francis in leitlun hmuntin ih besia zet ih ralbuainak hmun hrek khat pawl ah naiten a um tu a langter ih Palestine, Israel, Myanmar, North Kivu le South Sudan hrangah thlacamsak dingah a hleice in zaangfah a rak dil. hi mi thuthang cu vatican thuthangin kan don mi a si.
