2025, Feb 10 ni ah America ram ih Bishop pawl hnen Pope ih a kuat mi ca ah Pope Francis in mivai pawl le harsatnak tuartu pawl an rak tanpi ruangah a lungawi thu a rak sim.
Pope in an mai sinak kilhim dingah a tul thu thupit in a rak sim.
Thianghlim innsang hnenah ap in humhimnak hawl in a um tu pawl hrangah zohthim thlak si dingah mivai pawl kha kilhimnak thawn pehpar mi Pope ih apostolate daan thu hramah a rak tumtah mi a mai “mivai pawl humhimnak ah nan hnatuannak cu Khrih ih Mission ( Khrih ram hrang) ah le Pawlpi thuanthu ah thuk zet in hram a rak ttoh a si.
Ramsungluhnak phihnak daan thu pawl kha remsal dingah tumtah mi daan thu 21 luan langtermi President Donal Trump in a burbur ih ram ih dawinak thawn pehpar in a tui a cang rero mi harsatnak pawl parah Pope Francis in a thin a phan thu a rak langter.
A tui a cang rero mi minung pawlkom cu mi derthawm pawl pehtlaihnak in tahkhingnak kha hminsin dingah Bishop pawl a rak forhfial. Mivai pawl ih daan thu upadi pawl cu a um lo thei lo mi a si ih an sinak kha ziangtik hman ah ti siat ding a si lo thu a rak sim.
Mivai pawl kha tha lonak a canter tu thuhla pawl a do pi tu Bishop pawl ih zuamnak pawl tha a rak pe ih minung covo hrangih lungkimpinak ah an mai tuah mi pawl kha thupit in a rak sim.
Nunphung le ramkhel thawn pehpar mi buainak karlak ah Pope Francis in lungrualnak le zaangfah lainatnak khaisang dingah Bishop pawl hnen lungrualnak le a bangran mi nunphung pawlkom din dingah Pawlpi ih tuanvo kha zohthim tlak in langter dingah zaangfah a rak dil. Anetnak ah Our Lady of Guadalupe hnen Bishop pawl le mivai pawl humhim dingah a rak ap. Hi mi thuthang cu SW news in kan don mi a si.
