Harsat ton caanah in bawm lo nakko tin thinheng pang hlah. Zohman in lo bawm ding in tuanvo an nei lo.

          Na harsat nak pawl mah te theihthiamnak thawn in i theithiam sak lo tin sual puh hlah. Zohman in lo theithiam sak dingin minung an si lo.

          Mahte lawng ka si tiih na ruah laican ah in umpi lo tin mawhphurh in um hlah. Na zawh rero mi lamzin ah na sungkua tha, na rualpi taktak, an tel tla a cang thei. An tel lo tla a cang thei. Lamzin hrek ihsin an kir sal tla a si thei. A thupi bik mi cu mai feh duh nak lamzin mahten a cem tiang feh a tul.

          Lo duattu ding an um le duat ter ko aw. Zohman an um lo sile mah le mah kha duat aw aw, duh tu ding an um sile duh awk ter mai. A lo duh nawn lo sile zalen nak pek aw.

          Midang ih thinlung sungah hmun pakhat ngah dingin na dil a ngah lo. Khat lam pek zat lawngih um a tul. Diriam le diriam lo cu na thu. Zohman in na tuar dan kha an lo sut lo ding.

          Hi pawl cu thil cang theu mi a si. Danglam cuangin riahsia hlah. Mah le mah thinnuam dingin tuah awk lole zohman in na thinnuam ding in an lo ret thei lo ding.

#Credit