Kawhhran thuthang,
Hakha Diocese sungih Puithaim pawl in tui kum cu AD 2025 Pawlpi Jubilee kum a si vekin Tui ni Jauary 6, 2025 ni ah St. Joseph Cathedral Hakha Biakinn pi ah Puithiam Jubilee puai hman a si. Hi mi Jubilee ah Diocese sungih Bishop Lucius Hre Kungin a hoha ih Puithiam minung 32 le Khawhran mipi sawm 60 hrawng in Missa raithawinak ah tel in hlunghlai ten Pathian hnen lungawi thusimnak tuah a si. Missa raithawinak sungah Rev. Fr Dominic Thawm Hlei Hnin in Puithiam ih thupit zia le Khawhhranpi ah ziangtivek in tuanvo an nei ti mi thuthawite simnak a rak nei. Missa raithawinak sungah tlawngta pawl in saamhla mawi thawn Pathian thangthatnak an nei ih biakkhawmnak theh ah mipi pawl hmuk le lakphak donak an nei a si. Kanthuthang a rak ngaitu zate parah lungawinak tampi kan nei.
