Pope Francis in Febuary thla ah Puithiam nunram le pumpe in ap awtu nuram ih um tu (Religious life) pawl hrangah thlacam tumtah. (Feb 4, 2025)

Kan kum 17 laiah tlawngta dinhmun in hna ka rak tuan dah. Tumtah mi cu ka rak nei. Puithiam tuan ding ka rak tum lo. A sinan nikhat ah Biakinn sungah ka lut ih Pathian in hi tawkah ka lo hngak tiah Pope Francis in Febuary 4 ni a suah mi Video sungah a rak sim sal.

Pathian in tui ni tiang mino pawl a ko lai a si. Veikhatveihnih ah kanmah lam ih kan ruahban lo mi tidaan pawl thawn in ko tiah zumtu pawl hnen tharthawh in a rak sim.

Kanmah pawl cu kanmai thilri thawn kan buai, kan tumtah mi pawl, Pawlpi sungih kan mai thil thu pawl thawn lawng kan buai rero ruangah veikhat veihnih cu kan rak thei thei lo. A sinan thiangthlarau Pathian in kan hnenah zanmang in siseh, in thei ter ih mino pawl ih thinlung sungah mai tuar mi thinphannak pawl in siseh kan hnenah in sim a si.

Pathian hnatuantu pawl ih an khual tlawnnak lam kan thlun a sile Pathian in an mah thawn a thar mi pawl kha ziang tivekin an tuah ti mi kha kan hmu thei ding a si. Cuticun tuini Pawlpi le Leilungpi ah tha deuh in rian thei dingih a mai kawhnak kha kan cohlang thei ding a si tiah pehbet in a rak sim.

Mino pawl kha rinsan uh si. Cuhleiah Pathian cu mitin a ko tiah zum uh si. hi caanserh cu thlacamnak thawn a rak cem ter ih Puithiam nunram le ap aw in nun petu nunram ( religious life) ah siseh Christian nunram in siseh, Jesuh Khrih ih Mission riantuannak ih kawhnak a ngah tu mino pawl ih duhnak le rinhmainak pawl cohlang thei dingah thlacam uh si. Pope Francis ih thlacamnak video cu Pope’s Worldwide Prayer Network in theihter a si ih thla tin Pope ih thlacam tumtah mi kha thla a si theu.

Hi thuthang cu CNA thuthang in in kan ngah mi a si.